शहरं
Join us  
Trending Stories
1
Maharashtra Vidhan Sabha 2024: उत्तर महाराष्ट्रात ‘महायुती’चे प्राबल्य कायम राहणार का? 
2
PM नरेंद्र मोदी ब्राझीलला पोहोचले, जोरदार स्वागत; जी-२० शिखर परिषदेत सहभागी होणार! 
3
भाजप सरकारचा मुंबई लुटण्याचा डाव, तेलंगणाचे मुख्यमंत्री रेवंत रेड्डींचा आरोप 
4
Vidhan Sabha election 2024: अचलपूर मतदारसंघात बच्चू कडू इतिहास रचणार का? 
5
श्रीगोंद्यातील राहुल जगतापांना मोठा धक्का; शरद पवारांच्या राष्ट्रवादीतून निलंबन
6
नांदेड लोकसभा पोटनिवडणूक : विधानसभेच्या उमेदवारांवर लोकसभेच्या विजयाचा ‘टेकू’
7
Maharashtra Vidhan Sabha 2024:  उमेदवार किती कोट्यधीश, किती शिकलेले?
8
Success Story : रतन टाटांच्या कंपनीत करायचे नोकरी, एका खोलीतून सुरू केला बिझनेस; आज आहेत १३,५०० कोटींचे मालक
9
घटना बदलण्याचे पाप काँग्रेसचे, त्यांनी शेतकरी, मजुरांकडे दुर्लक्ष केले -नितीन गडकरी
10
'नौटंकी करून मते मिळत नाहीत, मविआकडून दिशाभूल', देवेंद्र फडणवीस यांचे नागपुरात शक्तिप्रदर्शन
11
कोल्हापूरमध्ये जनसुराज्य शक्तीच्या उमेदवारावर जीवघेणा हल्ला, धारदार शस्त्रांनी केले वार 
12
Today Daily Horoscope: आजचे राशीभविष्य: धन व प्रतिष्ठेची हानी संभवते, स्त्रीयांशी व्यवहार करताना सावध राहावे!
13
'बिग बॉस मराठी' फेम अभिनेत्याचं शुभमंगल सावधान! लग्नाचे फोटो आले समोर
14
तुम्ही कितीही झेंडे दाखविले तरी मविआच येणार निवडून; प्रियांका गांधी यांचे भाजप कार्यकर्त्यांना प्रत्युत्तर
15
प्रचाराच्या तोफा आज थंडावणार! उमेदवार, मतदारांना आता प्रतीक्षा बुधवारची
16
महागाई नियंत्रणात आणू, मुलांना मोफत शिक्षण देऊ; उद्धवसेनेचे पक्षप्रमुख ठाकरे यांचे आश्वासन
17
Maharashtra Vidhan Sabha 2024: ‘टॉप फाइव्ह’मध्ये मुंबई, ठाणे का नाही?
18
"एमएमआरमध्ये आणले सात लाख कोटींचे प्रकल्प"; देवेंद्र फडणवीस यांचा मुंबई, कोकणातील प्रचारात फोकस
19
Maharashtra Vidhan Sabha Election 2024: कोकणात आजी-माजी आमदारांची प्रतिष्ठा पणाला
20
विधानसभा निवडणुकीत पुन्हा महत्त्वाचा मुद्दा; कांद्यामुळे गावाकडे शेतकरी तर शहरात ग्राहक बेजार

‘राजाराम’चे वीज, पाणी तोडा

By admin | Published: April 19, 2015 1:15 AM

पंचगंगा प्रदूषणप्रश्नी कारवाई : इचलकरंजीतील नऊ प्रोसेसर्स युनिटनाही बंदचे आदेश

 कोल्हापूर : पंचगंगा नदी प्रदूषणप्रश्नी कसबा बावड्यातील राजाराम सहकारी साखर कारखान्याचे उत्पादन बंद करून वीज, पाणी कनेक्शन तोडावे, असा आदेश प्रदूषण नियंत्रण मंडळाचे सदस्य डॉ. पी. अनबालगन यांनी शनिवारी काढला. यासह इचलकरंजीतील नऊ प्रोसेसर्सवरही अशीच कारवाई करावी, असाही आदेश आहे. विभागीय महसूल आयुक्त एस. चोक्कलिंगम यांनी शनिवारी व्हिडिओ कॉन्फरन्सद्वारे संपर्क साधून विचारणा केल्यानंतर हा कारवाईचा आदेश झाला. राजाराम कारखान्याच्या मतदानाच्या पूर्वसंध्येलाच कारवाईचा आदेश आल्यामुळे खळबळ उडाली. प्रदूषणप्रश्नी येथील महानगरपालिका आणि इचलकरंजी नगरपालिकेला कारणे दाखवा नोटीस बजावली आहे. शिये (ता. करवीर) हद्दीत ५ एप्रिलला पंचगंगा नदीत मोठ्या प्रमाणात मासे मृत झाले. उच्च न्यायालयात पंचगंगा प्रदूषणप्रश्नी २३ एप्रिलला सुनावणी होणार आहे. त्यातच मासे मृत झाल्याने प्रदूषण नियंत्रणमंडळ प्रशासनाने गंभीर दखल घेतली. सामाजिक कार्यकर्ते व प्रजासत्ताक सामाजिक संस्थेचे दिलीप देसाई यांच्या तक्रारीवरून मंडळाचे प्रादेशिक अधिकारी एस. एस. डोके, उपप्रादेशिक अधिकारी मनीष होळकर, नायब तहसीलदार एम. ए. शिंदे, मत्स्य विभागाचे प्रतिनिधी एच. एस. जाधव, महापालिके च्या प्रतिनिधी तेजस्विनी माळी, राजाराम कारखान्याचे प्रतिनिधी नंदकुमार जाधव यांनी राजाराम बंधारा ते शियेपर्यंत नदीपात्राची पाहणी करून पंचनामा केला होता. राजाराम कारखान्याच्या पश्चिमेच्या बाजूस सुमारे पाचशे मीटरच्या अंतरावर असणाऱ्या उंबरमळी या भागात शेतालगत भूमिगत पाईपलाईनद्वारे सांडपाणी नदीत मिसळत असल्याचे पथकाच्या निदर्शनास आले. तेथील दूषित पाण्याचे नमुने घेतले. जलप्रदूषण कायदा १९७४ व हवा प्रदूषण कायदा १९८१ तसेच दूषित पाणी विल्हेवाट अधिनियम २००८ नुसार कारवाईची नोटीस राजाराम कारखाना व्यवस्थापनास बजावली होती. त्याचवेळी बँक हमीची जप्तीही केली होती. दरम्यान, साखर कारखाना व्यवस्थापन आणि प्रदूषण नियंत्रण मंडळाचे अधिकारी यांच्यात सुनावणी घेण्यात आली. त्यानंतर ही कारवाई करण्यात आली आहे. कारखान्याचा हंगाम ३० मार्चला संपला आहे. वजनदार राजकीय वरदहस्त असलेल्या या कारखान्याला ‘प्रदूषण’ने दणका दिला. इचलकरंजीतील नऊ प्रोसेसर्सवरही जलस्रोत व अप्रत्यक्षपणे पंचगंगा नदी प्रदूषणास कारणीभूत ठरल्याप्रकरणीच कारवाईचा आदेश झाला आहे.