उपनगराध्यक्षा हेमलता भगवान लोकरे यांनी उपनगराध्यक्ष पदाचा राजीनामा दिल्याने रिक्त झालेल्‍या पदाची निवड करण्यासाठी जिल्‍हाधिकारी यांच्या आदेशान्‍वये ही निवड प्रक्रिया पार पडली. पीठासीन अधिकारी नगराध्यक्ष राजेखान जमादार यांच्या अध्‍यक्षतेखाली नूतन उपनगराध्यक्ष निवड पार पडली. रिक्त पदासाठी नगरसेविका मांगले यांचा एकमेव अर्ज आल्‍याने या पदावर त्यांची बिनविरोध निवड करण्यात आली. सुचक म्हणून संदीप कलकुटकी व अनुमोदक म्हणून हेमलता लोकरे होते. कोरोना रोगाच्‍या पार्श्‍वभूमीवर व्हिडिओ कॉन्फरन्सद्वारे विशेष सभा आयोजित केली होती.
या निवडीप्रसंगी नूतन उपनगराध्यक्ष मांगले यांनी, खासदार संजय मंडलिक, वीरेंद्र मंडलिक, नगराध्यक्ष राजेखान जमादार व सर्व सहकाऱ्यांनी माझ्या कडेवर जी जबाबदारी टाकली आहे, त्‍या विश्‍वासास पात्र राहून मुरगूड शहराच्‍या विकासासाठी, आरोग्‍यासाठी प्रयत्‍न करण्‍याची ग्‍वाही दिली. या सभेसाठी सर्व नगरसेवक, नगरसेविका ऑनलाईन उपस्थित होते. या निवडीचे प्रशासकीय कामकाज मुख्‍याधिकारी संजय गायकवाड, कार्यालय अधीक्षका स्‍नेहल पाटील यांनी पाहिले.
फोटो
रेखाताई मांगले