कौलव (ता. राधानगरी) येथील जिल्हा परिषदेचे माजी अध्यक्ष शंकरराव पाटील-कौलवकर यांच्या पुण्यतिथीनिमित्त आयोजित भव्य मॅरेथॉन स्पर्धेत आवळी बुद्रुक येथील सहर्ष चौगले याने प्रथम क्रमांक पटकावला.
या स्पर्धेत साडेतीनशे स्पर्धक सहभागी झाले होते. स्पर्धेचा अन्य निकाल असा : परशराम भोई (गडहिंग्लज) द्वितीय, शहाजी विकास किरुळकर (अवचितवाडी) तृतीय, उत्तम संभाजी पाटील (वारणा कोडोली) चतुर्थ, भाऊ दिनकर किरुळकर (अवचितवाडी), पुष्पक किरण चौगले (टोप), अंगज चौगले (टोप).
स्पर्धा कौलव ते कसबा तारळेपर्यंत पंधरा किलोमीटर अंतर अशी ठेवण्यात आली होती. परिसरातील तरुण मोठ्या संख्येने यावेळी सहभागी झाले होते.
स्पर्धेची सांगता कसबा तारळे येथे करण्यात आली. छत्रपती शिवाजी महाराजांना पुष्पहार अर्पण करून विजेत्यांचा तारळे गावामार्फत सत्कार करण्यात आला. यावेळी भोगावती साखर कारखान्याचे माजी चेअरमन विद्यमान संचालक संजयसिंह पाटील, संचालक रवी पाटील, शौकत बक्षु, गोरे गुरुजी, श्याम पोवार उपस्थित होते.