शिवाजी विद्यापीठाचा महिला क्रिकेट संघ उपांत्यपूर्व फेरीत

शिवाजी विद्यापीठाने जळगाव विद्यापीठाचा ९ गडी व १८ षटके राखून पराभव केला. दुसऱ्या सामन्यात शिवाजी विद्यापीठाने जबलपूर विद्यापीठावर ९९ धावांसह ९ गड्यांनी मात केली.

कोल्हापूर : भोपाळ (मध्य प्रदेश) येथे सुरू असलेल्या पश्चिम विभागीय आंतरविद्यापीठ क्रिकेट स्पर्धेत शिवाजी विद्यापीठा संघाने सोमवारी उपांत्यपूर्व फेरीत प्रवेश केला.शिवाजी विद्यापीठाने जळगाव विद्यापीठाचा ९ गडी व १८ षटके राखून पराभव केला. दुसऱ्या सामन्यात शिवाजी विद्यापीठाने जबलपूर विद्यापीठावर ९९ धावांसह ९ गड्यांनी मात केली. तिसऱ्या अटीतटीच्या सामन्यात उदयपूर विद्यापीठावर १ गडी व १३ षटकांनी मात केली. विद्यापीठाच्या कुमारी दर्शन राजपूत, किशोरी पसारे, शिवानी बुकटे, श्वेता परुळेकर (विद्यार्र्थी सचिव, शिवाजी विद्यापीठ) या खेळाडूंनी विशेष कौशल्य दाखविले. प्रा. संदीप पाटील (आर्टस् व कॉमर्स कॉलेज, सातारा) हे प्रशिक्षक-मार्गदर्शक म्हणून काम पाहात आहेत. विद्यापीठाचा संघ असा : श्वेता परुळेकर (कप्तान), किशोरी पसारे, स्वाती चव्हाण, प्रतीक्षा कोंडाळकर, ऐश्वर्या अत्याळकर, अश्विनी कवठेकर, दर्शन राजपूत, पूजा ठाकूर, भारतीय गौकर, स्नेहा क्षीरसागर, स्नेहल हजारे, अबोली अवसरे, रोहिणी सकटे, शिवानी बुकटे, शलाका साखरे, नम्रता जाधव व प्रशिक्षक प्रा. संदीप पाटील.