नवे पारगाव : तळसंदे (ता. हातकणंगले) येथील आनंदा ज्ञानू नाईक (वय ७२) यांनी गळफास घेऊन आत्महत्या केली. गुरुवारी सकाळी ही घटना उघडकीस आली. घटनेची नोंद वडगाव पोलिसांत झाली आहे.
पोलिसांतून मिळालेली माहिती अशी : तळसंदे येथील कृषी कार्यालयाजवळ आनंदा नाईक हे कुटुंबासह राहत होते. तेथून जवळच असलेल्या बिरदेव मंदिराच्या पाठीमागील झाडास दोरीने त्यांनी आत्महत्या केल्याचे उघडकीस आले. आत्महत्येचे कारण समजू शकले नाही.
नवे पारगावच्या ग्रामीण रुग्णालयात वैद्यकीय अधिकारी डॉ. अनिता शहा यांनी उत्तरीय तपासणी केली. वडगावचे पोलीस निरीक्षक संतोष घोळवे यांच्या मार्गदर्शनाखाली हवालदार संतोष माने व राजेंद्र पाटील अधिक तपास करीत आहेत.
फोटो : ११ आनंदा नाईक