पांगिरे : गेली अनेक वर्षे प्रलंबित असणाऱ्या बार्वे ते भुदरगड या रस्त्याबाबत या भुदरगड प्रतिष्ठानने नेहमीच आंदोलन केले. याबाबत लोकप्रतिनिधी, वनविभाग, बांधकाम विभाग यांची भेट घेतली होती. २००० हून अधिक लोकांनी या आंदोलनाला पाठिंबा दिला होता. याबाबत मा. जि. प. सदस्य अर्जुन आबिटकर सर यांनी सर्व ग्रामस्थ यांच्यासमोर वन विभाग व बांधकाम विभागच्या संबंधित अधिकारी वर्गाला चांगलेच धारेवर धरले. १० फेब्रुवारीच्या तारखेपर्यंत काम सुरू करण्यास संगितले. तसेच वन विभागाचे प्रलंबित अडथळे दूर करण्यास सांगितले. भुदरगड प्रतिष्ठानने या भागासाठी नेहमी चांगले सामजिक कार्य केले असून, त्यांनी हे सुरू केलेल्या आंदोलनामुळे आजचा हा रस्ता पाहणीचा दौरा आयोजित करण्यात आला. हा रस्ता लवकर पूर्ण नाही झाला तर मोठे आंदोलन छेडले जाईल, असा इशारा अध्यक्ष दयानंद भोईटे व अशोक गुरव यांच्यावतीने देण्यात आला. या प्रतिष्ठानच्या मागणीला दाद देताना आज या रस्त्याची पाहणी करण्यासाठी मा. जि. प. सदस्य अर्जुन आबिटकर, वनक्षेत्रपाल आहिरे आणि त्यांचे पदाधिकारी, बांधकाम विभागाचे कुंभार व सातपुते, जकिनपेठचे सरपंच संभाजी नलगे, अरुण बेलेकर, मल्हार फौंडेशनचे संजय पौळकर, बार्वे गावचे सर्व नूतन ग्रा. पं.सदस्य, भांडेबांबर गावचे उपसरपंच भीमराव रेडेकर, राजू भारमाल, विद्याधर परीट, ज्येष्ठ नेते रामभाऊ शिउडकर, पत्रकार सचिन बेलेकर, संजय खोचारे, भुदरगड प्रतिष्ठानचे अध्यक्ष दयानंद भोईटे, उपाध्यक्ष व उपसरपंच अशोक गुरव, प्रवीण भोईटे, अजित कदम, विशाल भोईटे व भागातील सर्व प्रमुख मंडळी व ग्रामस्थ उपस्थित होते.
बारवे ते भुदरगड रस्ता लवकर पूर्ण करावा
By लोकमत न्यूज नेटवर्क | Published: February 06, 2021 4:43 AM