मांजरा नदीपात्रातील पाण्यात उडी मारून मुलीची आत्महत्या

पाेलिसांनी सांगितले, लातूर शहरातील पल्लवी प्रभाकर साबळे (२२, रा. खाेरीगल्ली, लातूर) हिने लातूर-अंबाजाेगाई महामार्गावरील महापूर येथील मांजरा नदीच्या पुलावरून शनिवारी रात्री ७.३० वाजण्याच्या सुमारास वाहत्या पाण्यात उडी मारली. यावेळी ती पाण्यात वाहत गेल्याची शक्यता पाेलिसांनी वर्तविली आहे. घटनेची माहिती मिळताच रेणापूर पाेलीस ठाण्याचे सहायक पाेलीस निरीक्षक श्रीराम माचेवाड, सहायक पाेलीस निरीक्षक निर्मला क्रांती, अंमलदार बाळासाहेब कन्हेरी, साजीद शेख, नायब तहसीलदार राजेश जाधव यांच्यासह अग्निशामक दलाचे जवान, जिल्हा आपत्ती व्यवस्थापन विभागाचे पथक तातडीने घटनास्थळी दाखल झाले. दरम्यान, पल्लवी साबळे हिचा मृतदेह रात्री उशिरापर्यंत हाती लागला नव्हता. गत दाेन दिवसांपासून मांजरा धरण १०० टक्के भरल्याने मांजरा नदीपात्रात धरणाचे दरवाजे उघडून पाणी साेडण्यात आले आहे. त्यामुळे मांजरा नदी दुथडी वाहत आहे. याच पाण्यात पल्लवी साबळे हिने शनिवारी रात्री महापूर येथील पुलावरुन उडी मारून आत्महत्या केली. याबाबत रेणापूर पाेलीस ठाण्यात घटनेची नाेंद करण्याची प्रक्रिया रात्री उशिरापर्यंत सुरू हाेती.