स्वतः ऑटो चालवत हॉस्पिटलमध्ये पोहोचला, डॉक्टरांसमोर तरुणाने जीव सोडला...

डॉक्टर तपासत होते, तेवढ्यात तरुणाला आला Heart Attack; जागीच मृत्यू

Herat Attack : गेल्या काही काळापासून व्यायाम करताना, धावताना, क्रिकेट खेळताना आणि डान्स करताना हर्ट अटॅक किंवा कार्डियाक अरेस्टमुळे मृत्यूच्या घटनांमध्ये मोठी वाढ झाली आहे. या घटनांचे अनेक व्हिडिओदेखील सोशल मीडियावर मोठ्या प्रमाणात व्हायरल होत आहेत. सध्या अशाच प्रकारचा एक व्हिडिओ समोर आला आहे, ज्यात तरुणाचा चक्क डॉक्टरसमोर हृदयविकाराच्या झटक्याने मृत्यू झाला.

मिळालेल्या माहितीनुसार, मध्य प्रदेशातील इंदूरमध्ये चेकअपसाठी डॉक्टरकडे गेलेल्या रुग्णाचा हृदयविकाराच्या झटक्याने मृत्यू झाला. हॉस्पिटलमध्ये लावण्यात आलेल्या सीसीटीव्ही कॅमेऱ्यात मृत्यूचा व्हिडिओ कैद झाला आहे. माहिती मिळताच पोलिसांनी घटनास्थळी जाऊन मृतदेह शवविच्छेदनासाठी पाठवला. सोनू मतकर(वय 31 वर्षे) असे या तरुणाचे नाव असून, रविवारी रात्री ही घटना घडली आहे.

पोलिसांनी सांगितले की, ऑटो चालक सोनू मतकर छातीत दुखत असल्याने एका खासगी हॉस्पिटलमध्ये चेकअपसाठी गेला होता. तो डॉक्टरांसमोर बसला, डॉक्टरांनी त्याची तपासणी सुरू केली, तेवढ्यात अचानक त्याला हृदयविकाराचा तीव्र झटका आला, ज्यामुळे त्याचा जागीच मृत्यू झाला. प्राथमिक तपासात हृदयविकाराचा झटक्याने मृत्यू झाल्याचे सांगितले जात आहे, मात्र शवविच्छेदन अहवाल आल्यानंतरच मृत्यूचे नेमके कारण स्पष्ट होईल.