ऑर्डिनन्स फॅक्टरीमध्ये भीषण स्फोट, इमारत कोसळली, ९ कर्मचारी गंभीर जखमी 

Jabalpur Ordnance Factory Blast: मध्य प्रदेशमधील जबलपूर येथील ऑर्डिनन्स फॅक्टरीमध्ये आज झालेल्या भीषण स्फोटात ९ कर्मचारी गंभीर जखमी झाले आहेत. ऑर्डिनन्स फॅक्टरीमधील एफ-६ सेक्शनमध्ये एरियल बॉम्बचा स्फोट झाल्याने ही दुर्घटना घडली.

मध्य प्रदेशमधील जबलपूर येथील ऑर्डिनन्स फॅक्टरीमध्ये आज झालेल्या भीषण स्फोटात ९ कर्मचारी गंभीर जखमी झाले आहेत. ऑर्डिनन्स फॅक्टरीमधील एफ-६ सेक्शनमध्ये एरियल बॉम्बचा स्फोट झाल्याने ही दुर्घटना घडली. स्फोटाची तीव्रता एवढी होती की त्यामध्ये संपूर्ण इमारत जमिनदोस्त झाली.

दरम्यान, या स्फोटानंतर अनेक कर्मचारी इमारतीच्या ढिगाऱ्याखाली अडकले असल्याची भीती व्यक्त करण्यात येत आहे. स्फोट झाल्यानंतर कारखाना व्यवस्थापनाने त्वरित बचाव कार्य सुरू केलं. बचाव पथकाने घटनास्थळावर पोहोचून बचाव कार्य सुरू केलं. प्रशासनाने येथील परिस्थितीवर बारीक लक्ष ठेवलं आहे. तसेच जखमींना जवळच्या रुग्णालयात दाखल करण्यात आलं आहे. आता ही दुर्घटना का घडली, याचा तपास सुरू आहे. 

#WATCH | Madhya Pradesh: A blast occurred at the filling section in Ordnance Factory Khamaria at Jabalpur. Around 8 injuries reported. Details awaited.

Visuals from the hospital where two of the injured people have been rushed to. pic.twitter.com/AnEVqCRJsJ

— ANI (@ANI) October 22, 2024