नांदेड : पित्याच्या अंत्यसंस्काराच्या तयारीत असणाऱ्या शोकाकुल पुत्राला हृदयविकाराचा झटका येवून त्याचा मृत्यू झाला़ एकाच चितेवर पिता- पुत्रावर अंत्यविधी करण्याची दुर्दैवी वेळ नातेवाईकांवर आली़ नांदेड शहरालगत असलेल्या सांगवी येथील श्रीकांतराव मोरे यांचे शुक्रवारी सायंकाळी वृद्धापकाळाने निधन झाले. त्यांच्या निधनाबद्दल नातेवाईकांना निरोप नातेवाईकांपर्यंत पोहोचतो न पोहोचतो त्याच दिवशी रात्री ११ वाजेच्या सुमारास त्यांचा मुलगा संजय श्रीकांतराव मोरे (४८) यांना हृदयविकाराचा झटका आला. त्यातच संजय मोरे यांनीही जगाचा निरोप घेतला. पिता-पुत्राचे पार्थिव एकाच ठिकाणी पाहून सर्वांचेच हृदय हेलावून टाकत होते़ शनिवारी सकाळी अकरा वाजता पिता-पुत्राचे पार्थिव एकाच वाहनातून सांगवी स्मशानभूमीत नेवून पार्थिवावर अंत्यसंस्कार करण्यात आले़ (प्रतिनिधी)
पित्याच्या विरहात पुत्राने सोडले प्राण
By admin | Published: January 30, 2017 3:45 AM