पैठण : चित्रपटाचे मानधन घेण्यासाठी आलेल्या मुंबईतील अभिनेत्रीवर पैठणला बंदूक आणि तलवारीचा धाक दाखवून पाच जणांनी बलात्कार केल्याची खळबळजनक घटना सोमवारी उघडकीस आली. पीडित अभिनेत्रीनेच औरंगाबाद येथील क्रांतीचौक पोलीस ठाण्यात आपबिती सांगितली़पोलिसांनी गोविंद चितलांगे (रा. अंबड, जि. जालना) याच्यासह पाच जणांविरुद्ध गुन्हा नोंदविला असून तो पैठण पोलीस ठाण्यात वर्ग करण्यात आला आहे. चितलांगे यास अटक करण्यात आली आहे.भिवंडी (मुंबई) येथील पीडित अभिनेत्री ‘लहानपण’ या चित्रपटाच्या चित्रिकरणासाठी २१ जून ते ११ जुलै दरम्यान अंबड (जालना) येथे आली होती. पैठण पोलिसांनी सांगितले की, चितलांगे याने २१ जुनला या अभिनेत्रीला भिवंडी येथून अंबडला आणले होते़ तेथे तिची ‘लहानपण’ चित्रपटाचे दिग्दर्शक आनंद नावाच्या व्यक्तीशी भेट घालून दिली होती़ चित्रपट पूर्ण झाल्यानंतर या अभिनेत्रीने दिग्दर्शक आनंद व गोविंद चितलांगे यांच्याकडे मानधनाची मागणी केली़ तेव्हा रकमेची व्यवस्था होताच मानधन देऊ, असे तिला सांगण्यात आले़ ती भिवंडी येथे परत गेली़ तरुणीने त्यानंतर पुन्हा मानधनाविषयी विचारली. तेव्हा त्यांनी तिला मानधन घेण्यासाठी औरंगाबादला बोलावले. चितलांगे याने तिला पैठण येथे मानधन देण्यात येईल, असा निरोप दिला़ त्यामुळे ही तरुणी १२ जुलैला पैठणला पोहोचली होती. (प्रतिनिधी)
पैठणमध्ये अभिनेत्रीवर सामूहिक बलात्कार
By admin | Published: July 14, 2015 12:59 AM