ऑनलाइन लोकमत
मुंबई, दि. ७ - रेल्वे वाहतूक विस्कळीत झाल्याने गेल्या आठवड्यात दिव्याजवळ झालेल्या आंदोलनाची घटना ताजी असतानाही मध्य रेल्वेचे रडगाणे अद्याप कायम आहेच. सायन-कुर्ला स्थानकादरम्यान रेल्वे रुळाला तडे गेल्याने मध्य रेल्वेची वाहतूक पुन्हा एकदा विस्कळीत झाली आहे. या घटनेमुळे मुंबईहून ठाण्याच्या दिशेने जाणा-या रेल्वे सेवेवर परिणाम झाला असून धिम्या मार्गावरील वाहतूक जलद मार्गावर वळवण्यात आली आहे. सकाळी सकाळी झालेल्या या खोळंब्यामुळे चाकरमान्यांना मात्र नाहक मनस्ताप भोगावा लागत आहे.