शहरं
Join us  
Trending Stories
1
धारावीमध्ये तणाव! मशिदीचा बेकायदेशीर भाग पाडण्यासाठी गेलेल्या पथकाला रोखलं, गाडीची तोडफोड
2
भाजप मावळमध्ये शरद पवारांच्या राष्ट्रवादीला मदत करणार; सुनील शेळकेंचा गंभीर आरोप
3
जबरदस्त कमबॅक! शतकी तोरा दाखवत पंतनं केली MS धोनीच्या विक्रमाशी बरोबरी
4
भाजपा अध्यक्ष असताना अमित शाहांना वाट बघायला लावायचे नितीन गडकरी?; स्वत: केला खुलासा
5
Sukesh Chandrasekhar : "बेबी गर्ल! कोणी इतकं सुंदर कसं असू शकतं..."; जॅकलिनशिवाय जगणं महाठग सुकेशसाठी अवघड
6
"मंदिरांचं नियंत्रण हिंदू समाजाला मिळावं", तिरुपती लाडू प्रसादाच्या वादात विहिंपची मागणी
7
...तर आम्ही काम करणार नाही; अजित पवारांच्या आमदाराविरोधात शिवसेना नेत्याने दंड थोपटले
8
आधी वन हँड सिक्सर! मग चक्क बांगलादेशची फिल्डिंग सेट करताना दिसला पंत (VIDEO)
9
मोठी बातमी: मविआतील तिढा सुटला?; काँग्रेस १०० जागा लढणार, ठाकरे-पवारांच्या वाट्याला किती?
10
दहावी नापास अय्यूबचा लग्नाच्या नावाखाली ५० महिलांना गंडा; 'असा' अडकवायचा जाळ्यात
11
Deepak Tijori : अभिनेता दीपक तिजोरीची १७.४० लाखांची फसवणूक; प्रसिद्ध निर्मात्याने 'असे' हडपले पैसे
12
IND vs BAN : 'आण्णा'ची बॅटिंग बघून गिल 'चौंकना'; दाखवला "दिल है की मानता नहीं" शो!
13
फेस्टिव्ह सीझन सेलमध्ये कोणत्या बँकांच्या कार्ड्सवर मिळतोय डिस्काउंट? पाहा संपूर्ण लिस्ट...
14
Government Company IPO : 'ही' सरकारी कंपनी शेअर बाजारात लिस्ट होण्याच्या तयारीत, पाहा कधी येणार IPO 
15
इस्त्रायल लेबनानच्या 'पेजर' स्फोटात भारताचं कनेक्शन; केंद्रीय तपास यंत्रणा अलर्ट
16
PPF vs NPS : तुमच्या मुलांसाठी कोणती स्कीम बेस्ट; कशात मिळेल जास्त रिटर्न? जाणून घ्या डिटेल्स
17
"ओए... सोए हुए हैं सब लोग..!" कॅप्टन रोहित झाला 'अँग्री यंग मॅन'; सगळं स्टंप माइकमध्ये झालं रेकॉर्ड (VIDEO)
18
सलमान खानने संगीता बिजलानीला दिला धोका, या अभिनेत्रीसोबत अभिनेत्याला पकडलं होतं रंगेहाथ, इतक्या वर्षांनंतर झाला खुलासा
19
VIDEO: PM मोदींच्या वाढदिवसानिमित्त खोटं खोटं रक्तदान; फोटो काढून निघून गेले भाजपचे महापौर
20
डीके शिवकुमारांची खेळी, JDS ला मोठा धक्का; पोटनिवडणुकीपूर्वी १३ नेत्यांनी साथ सोडली

राणेसाहेबांच्या निर्णयानंतर अनेकांचं आयुष्य घडेल-बिघडेल - नितेश राणे

By admin | Published: April 13, 2017 10:47 AM

"राणेसाहेबांच्या निर्णयानंतर खूप जणांचे आयुष्य घडणार आणि बिघडणारही आहे. मात्र, राणेसाहेब जो निर्णय घेतील तो आम्हा कार्यकर्त्यांच्या हिताचा असेल," असं विधान आमदार नितेश राणे यांनी केले आहे.

 ऑनलाइन लोकमत

कणकवली, दि. 13 - "राणेसाहेबांच्या निर्णयानंतर खूप जणांचे आयुष्य घडणार आणि बिघडणारही आहे. मात्र, राणेसाहेब जो निर्णय घेतील तो आम्हा कार्यकर्त्यांच्या हिताचा असेल," असं विधान आमदार नितेश राणे यांनी केले आहे. बुधवारी कणकवलीतील कार्यकर्त्यांच्या बैठकीत त्यांनी हे विधान केले आहे. 
 
एकीकडे काँग्रेसचे ज्येष्ठ नेते नारायण राणे भाजपाच्या वाटेवर असल्याची जोरदार चर्चा सुरू असतानाच त्यांचे पुत्र आणि आमदार नितेश राणे यांनी असे वक्तव्य केल्यानं राजकीय गोटात राणेंच्या पक्षांतराच्या चर्चेला आणखी उधाण आले आहे. 
"महाराष्ट्राच्या राजकारणात नारायण राणे नावाची भीती किती आहे. हे गेल्या काही दिवसांमध्ये दिसून आलं आहे. राणेसाहेबांच्या भोवतालीच महाराष्ट्राचं राजकारण फिरत आहे. साहेब कुठे जाणार? कोणता निर्णय घेणार? याची चिंता आम्हाला सोडून सर्वांनाच आहे. राणेसाहेबांच्या निर्णयानंतर खूप जणांचे आयुष्य घडणार आणि बिघडणारही आहे. मात्र, राणेसाहेब जो निर्णय घेतील तो आम्हा कार्यकर्त्यांच्या हिताचा असेल", असे नितेश राणे म्हणालेत. 
 
(अहमदाबादमध्ये नारायण राणेंची हजेरी, दुसरीकडे फडणवीस आणि अमित शहांची बैठक)
तर दुसरीकडे भाजपाध्यक्ष अमित शहा आणि मुख्यमंत्री देवेंद्र फडणवीस यांची अहमदाबादमध्ये बैठक झाली. याचदरम्यान काँग्रेसचे ज्येष्ठ नेते नारायण राणेदेखील त्यावेळी अहमदाबादमध्ये उपस्थित होते अशी माहिती सूत्रांनी दिली आहे. गेल्या काही दिवसांपासून नारायण राणे पक्षांतर्गत कुरघोडींमुळे नाराज असून पक्ष सोडण्याच्या तयारीत असल्याचं वृत्त येत आहे. त्यातच योगायोगाने हे तिन्ही नेते एकाच वेळी अहमदाबादमध्ये उपस्थित असल्याने राणेंच्या पक्षांतराच्या चर्चेला बळ मिळालं आहे.
"एबीपी माझा"ने दिलेल्या वृत्तानुसार नारायण राणे आणि मुख्यमंत्री किंवा अमित शाह यांच्या भेटीविषयी नेमकी माहिती समोर आलेली नाही. मात्र नारायण राणे यांनी प्रसारमाध्यमांशी कोणतीही चर्चा न करता अहमदाबादमधून रवाना झाले आहेत. नारायण राणे दुस-या पक्षात जाण्याच्या तयारीत असल्याच्या चर्चांमुळे अमित शहा आणि मुख्यमंत्री देवेंद्र फडणवीस यांची भेट महत्त्वाची मानली जात आहे. या बैठकीत हाच विषय चर्चेत होता का याविषयी तर्कवितर्क लढवले जात आहेत. 
 
(भारत-पाक नेहमीच शत्रू म्हणून राहू शकत नाही - पाक NSA)
नारायण राणे यांची मुख्यमंत्री फडणवीस आणि भाजपाध्यक्ष अमित शाह यांच्याशी भेट झाली का, याबाबत कोणतीही अधिकृत माहिती मिळालेली नाही. मात्र, नारायण राणे अहमदाबादेतून मुंबईच्या दिशेने रवाना झाले आहेत. अमित शहा यांची भेट घेण्यासाठी मुख्यमंत्री देवेंद्र फडणवीस तातडीने रवाना झाले होते. बैठकीतील माहिती समोर येत नसली तरी या बैठकीमुळे राज्यातील राजकीय उकाडा वाढण्याची शक्यता आहे. 
 
भेट झालीच नाही - मुख्यमंत्री
दरम्यान, नारायण राणे अहमदाबादेत मला किंवा भाजपाध्यक्ष अमित शाह यांना भेटलेच नाही, अशी माहिती स्वतः मुख्यमंत्री देवेंद्र फडणवीस यांनी दिली आहे.