Video : 'अजितदादां'चे कौटुंबिक 'बर्थडे सेलिब्रेशन'; 'हा' खास क्षण ठरला कौतुकाचा विषय

खासदार सुप्रिया सुळे यांनी सोशल मीडियावर व्हिडिओ केला शेअर...

ठळक मुद्देदादांना दिलेल्या या कौटुंबिक शुभेच्छा कौतुकाचा विषय

बारामती: उपमुख्यमंत्री अजित पवार यांनी कोरोना संकटाच्या पार्श्वभूमीवर यंदा वाढदिवस साजरा न करण्याचे जाहीर केले होते. त्यानुसार त्यांनी आज वाढदिवस साजरा केला नाही. मात्र, दूरध्वनीद्वारे तसेच डिजिटल माध्यमातून आलेल्या शुभेच्छांचा त्यांनी आवर्जून स्विकार केला.

उपमुख्यमंत्री पवार यांच्या भगिनी खासदार सुप्रिया सुळे यांच्यासह इतर भगिनींनी त्यांना व्हिडिओ कॉन्फरन्सद्वारे वाढदिवसाच्या शुभेच्छा दिल्या. खासदार सुळे यांनी दादांचे ' बर्थडे सेलिब्रेशन ' हे खास क्षण सोशल मीडियावर पोस्ट केले आहेत .त्यावर दादांचे चाहते, कार्यकर्ते यांच्याकडून शुभेच्छांचा वर्षाव सुरू आहे . 
उपमुख्यमंत्र्यांच्या वाढदिवसानिमित्त आज अनेक मान्यवरांनी, पक्ष पदाधिकारी, कार्यकर्ते, हितचिंतकांनी, तसेच सर्वसामान्य जनतेनंही लेख,पत्र लिहून अजित दादांविषयी आदर, स्नेह, आपुलकी व्यक्त केली आहे. तसेच वाढदिवसानिमित्ताने आरोग्य शिबिरांचे आयोजन, वृक्षारोपण कार्यक्रम, गरजूंना मदतीसारखे सामाजिक उपक्रम राबविण्यात आले .यामध्ये दादांना दिलेल्या या कौटुंबिक शुभेच्छा कौतुकाचा विषय ठरल्या .

महाराष्ट्राचे उपमुख्यमंत्री आणि आमचा दादा @AjitPawarSpeaks यांच्या वाढदिवसानिमित्त आम्ही सर्व बहिणींनी एकत्र येऊन शुभेच्छा दिल्या.सध्या कोरोनाचे संकट असल्यामुळे आम्ही सर्वजण एका ठिकाणी जमू शकलो नाही.त्यामुळे यावर्षी आम्ही व्हिडीओ कॉन्फरन्स चा आधार घेतला. pic.twitter.com/RGNqeM2B6F

— Supriya Sule (@supriya_sule) July 22, 2020

 महाराष्ट्राचे उपमुख्यमंत्री आणि आमचा दादा अजित पवार यांच्या वाढदिवसानिमित्त आम्ही सर्व बहिणींनी एकत्र येऊन शुभेच्छा दिल्या.सध्या कोरोनाचे संकट असल्यामुळे आम्ही सर्वजण एका ठिकाणी जमू शकलो नाही.त्यामुळे यावर्षी आम्ही व्हिडीओ कॉन्फरन्स चा आधार घेतला.

यावेळी माझ्यासोबत प्रफुल्ला भोसले, रजनी इंदूलकर,विजया पाटील,निमा माने, निता पाटील, शमा पवार आणि आश्विनी पवार होत्या.दादा पुन्हा एकदा वाढदिवसाच्या हार्दिक शुभेच्छा, असा संदेश खासदार सुळे यांनी पोस्ट केला आहे .