लोकमत न्यूज नेटवर्कमुंबई : गोरेगाव पूर्व स्थानक ते संतोष नगर (विस्तारित) रिंगरूट बस सेवा सुरू करावी, अशी मागणी केली जात होती. आमदार सुनील प्रभू यांनी मागणीची दखल घेतली आणि बेस्टची भेट घेतली. यावर बेस्टने ४४७ क्रमांकाची बेस्ट सेवा सुरू केली असून, सोमवारी सकाळी ७ वाजता ही सेवा कार्यान्वित होणार आहे. गोरेगाव स्थानक पूर्व येथून सुटणारी ४४७ ही बस गोरेगाव स्थानक (पूर्व), गोरेगाव चेक नाका ते मोहन गोखले मार्ग, श्री साईबाबा संकुल, धीरज व्हॅली सोसायटी, दूरदर्शन वसाहत, हनुमाननगर, संतोषनगर, संतोषनगर (विस्तारित) असा रिंगरुट प्रवास करणार आहे. या बसमार्गावरील गाड्या संपूर्ण आठवडा १३ ते २१ मिनिटांनी उपलब्ध असतील, अशी माहिती बेस्टकडून देण्यात आली.
बेस्टची रिंगरूट सेवा आजपासून
By admin | Published: July 10, 2017 2:22 AM