पारसकरांविरोधात आरोपपत्र दाखल

मॉडेल तरुणीवर बलात्कार केल्याप्रकरणी आयपीएस अधिकारी सुनील पारसकर यांच्याविरोधात मंगळवारी पोलिसांनी आरोपपत्र दाखल केले.

मुंबई : मॉडेल तरुणीवर बलात्कार केल्याप्रकरणी आयपीएस अधिकारी सुनील पारसकर यांच्याविरोधात मंगळवारी पोलिसांनी आरोपपत्र दाखल केले.बोरीवली महानगर दंडाधिकारी न्यायालयात हे आरोपपत्र दाखल करण्यात आले. या ७२४ पानी आरोपपत्रात ५८ जणांचे जबाब आहेत. यात पीडित तरुणीचाही जबाब आहे. पारसकर यांनी गाडीने केलेल्या प्रवासाचा तपशीलदेखील आरोपपत्राला जोडण्यात आला आहे. आता हे प्रकरण सत्र न्यायालयात विशेष महिला न्यायालयांसमोर वर्ग करण्यात येईल. यावरील पुढील सुनावणी १२ जूनला होणार असून, त्या वेळी पारसकर यांना न्यायालयात हजर राहावे लागेल.गेल्या वर्षी जुलै महिन्यात पीडित तरुणीने पासरकर यांच्याविरोधात बलात्काराची तक्रार केली. पारसकर यांनी २०१३मध्ये बलात्कार केल्याचा तरुणीचा आरोप आहे. (प्रतिनिधी)