ऑनलाइन लोकमतबीड, दि.11 - आईच्या मॄत्यूचे दुःख सहन न झाल्याने मुलाने घरासमोरील लिंबाच्या झाडास गळफास घेऊन आत्महत्या केल्याची ह्रदयद्रावक घटना पाटोदा तालुक्यातील बेन्सुर या गावी घडली . रामहरी यंका अडसुळ (50) असे आत्महत्या केलेल्या मुलाचे नाव आहे . रामहरी मागील 25 वर्षांपासून जळगाव येथे हमालीचे काम करतात . ते कुटुंबासह तिकडेच स्थाईक झालेले आहेत . 4 ऑगस्ट रोजी त्यांची आई सीताबाई यांचे 75 व्या वर्षी वृध्दापकाळाने निधन झाले . अंत्यसंस्कार व इतर क्रियाकर्म करण्यासाठी रामहरी गावी आलेले होते . आईच्या निधनाचे दुःख त्याना सहन झाले नाही बुधवारी रात्री त्यांनी घरासमोरील लींबाच्या झाडास गळफास घेऊन आत्महत्या केली . गुरुवारी हा प्रकार उघडकीस आला . रामहरी यांच्या पाठीमागे पत्नी एक विवाहित मुलगा , मुलगी आहे . या प्रकरणी पोलिसात अकस्मात मॄत्यूची नॊंद करण्यात आली असून जामदार शेख पाशा अधिक तपास करत आहेत .
आईच्या मृत्यूचे दुःख सहन न झाल्याने मुलाची आत्महत्या
By admin | Published: August 11, 2016 6:41 PM