मुंबई – राज्यात कोरोनाग्रस्तांचा आकडा वाढत चालला आहे. दिवसभरात कोरोनाचे २२९ रुग्ण आढळून आले आहेत. राज्यात एकूण रुग्णांची संख्या १३६४ इतकी झाली आहे. तर दिवसभरात राज्यात २५ कोरोनाबाधितांचा मृत्यू झाला आहे. मृतांपैकी पुण्यात १४, मुंबईत ९ तर मालेगाव आणि रत्नागिरी येथील प्रत्येकी १ रुग्णांचा समावेश आहे. २५ मृतांपैकी १२ जण हे ६० वर्षावरील आहेत.
राज्यात कोरोनामुळे आतापर्यंत ९७ जणांचा मृत्यू झाला आहे. राज्यनिहाय आकडेवारी पुढीलप्रमाणे-
| जिल्हा/मनपा | बाधित रुग्ण | मृत्यू |
| मुंबई | ८७६ | ५४ |
| पुणे मनपा | १८१ | २४ |
| पिंपरी-चिंचवड मनपा | १९ | ० |
| पुणे ग्रामीण | ६ | ० |
| ठाणे मनपा | २६ | ३ |
| कल्याण-डोंबिवली मनपा | ३२ | २ |
| नवी मुंबई मनपा | ३१ | २ |
| मीरा भाईंदर | ४ | १ |
| वसई-विरार मनपा | ११ | २ |
| पनवेल मनपा | ६ | ० |
| ठाणे, पालघर ग्रामीण | प्रत्येकी ३ | १(पालघर) |
| सातारा | ६ | १ |
| सांगली | २६ | ० |
| नागपूर मनपा | १९ | १ |
| अहमदनगर मनपा | १६ | ० |
| बुलढाणा | ११ | १ |
| अहमदनगर ग्रामीण | ९ | ० |
| औरंगाबाद मनपा | १६ | १ |
| लातूर मनपा | ८ | ० |
| अकोला | ९ | ० |
| मालेगाव | ५ | १ |
| रत्नागिरी, यवतमाळ, उस्मानाबाद, अमरावती मनपा | प्रत्येकी ४ | २(अमरावती मनपा, रत्नागिरी) |
| कोल्हापूर मनपा | ५ | ० |
उल्हासनगर मनपा, नाशिक मनपा-ग्रामीण, जळगाव मनपा-ग्रामीण, औरंगाबाद ग्रामीण जालना, हिंगोली, वाशिम, गोंदिया, बीड, सिंधुदुर्ग | प्रत्येकी १ | १(जळगाव) |
| इतर राज्ये | ८ | ० |
| एकूण | १३६४ | ९७ |
आजपर्यंत पाठविण्यात आलेल्या ३० हजार ७६६ नमुन्यांपैकी २८ हजार ८६५ जणांचे प्रयोगशाळा नमुने कोरोना निगेटिव्ह आले आहेत तसेच १२५ कोरोनाबाधितांना बरे झाल्यानंतर रुग्णालयातून डिस्चार्ज देण्यात आला आहे. सध्या राज्यात ३६ हजार ५३३ व्यक्ती होम क्वारंटाईन तर ४ हजार ७३१ जण संस्थात्मक क्वारंटाईनमध्ये आहेत