ऑनलाइन लोकमतमुंबई, दि. 19 - मुंबईकरांची लाइफलाइन असलेली बेस्ट लवकरच कात टाकणार आहे. मुंबईची लालपरी असलेली बेस्ट आता नव्या रंगात मुंबईकरांच्या भेटीला येणार आहे. गेल्या अनेक वर्षांपासून लाल डब्बा अशी निर्माण झालेली ओळख पुसण्यासाठी बेस्टचा रंग बदलण्याच येणार असल्याची माहिती बेस्ट प्रशासनाचे व्यवस्थापक जगदीश पाटील यांनी दिली आहे. बेस्ट बसच्या लाल रंगाची जागा लवकरच पांढरा रंग घेणार आहे. जे जे स्कूल ऑफ अप्लाईड आर्ट्सच्या विद्यार्थ्यांच्या अथक प्रयत्नातून ही बेस्टची नवी बस आकाराला आली आहे. बेस्टचे व्यवस्थापक जगदीश पाटील यांनी जे जे स्कूल ऑफ आर्ट्सचे डीन यांना पत्रं लिहून बेस्टच्या रंगात बदल करण्याचं कळवलं होतं. त्यानंतर जे जे स्कूल ऑफ अप्लाईड आर्ट्सच्या 5 माजी विद्यार्थ्यांची एक टीम तयार करून त्या मुलांनीच या बसचा लाल रंगाच्या बसला पांढ-या रंगात परावर्तित केलं आहे. आता मुंबईच्या रस्त्यावर लवकरच पांढ-या रंगातली आकर्षक बस तुम्हाला धावताना पाहायला मिळणार आहे. मात्र अजूनही बेस्ट समिती बसचा रंग बदलण्यासंदर्भात मुंबईकरांचा अभिप्राय जाणून घेणार आहे. सध्या तरी दोन बसला पांढ-या रंगात रंगवण्यात आलं आहे.
नव्या रंगातली बेस्ट पाहिली का ?
By लोकमत न्यूज नेटवर्क | Published: April 19, 2017 9:22 PM