शिर्डीजवळ शॉपिंग सेंटरला भीषण आग

येथून जवळच असलेल्या नांदुर्खीमध्ये एका शॉपिंग सेंटरला गुरुवारी पहाटे लागलेल्या भीषण आगीत दोन मजले आगीच्या भक्षस्थानी पडले़

शिर्डी (जि. अहमदनगर) : येथून जवळच असलेल्या नांदुर्खीमध्ये एका शॉपिंग सेंटरला गुरुवारी पहाटे लागलेल्या भीषण आगीत दोन मजले आगीच्या भक्षस्थानी पडले़पहाटेच्या ड्युटीसाठी येणाऱ्या कर्मचाऱ्यांना या शॉपिंग सेंटरमधून धुराचे लोट बाहेर पडताना दिसले़ याची माहिती मिळताच शिर्डी व राहाता नगरपालिकांच्या अग्निशमन दलाची वाहने घटनास्थळी दाखल झाली़ तीन तासांच्या अथक प्रयत्नानंतर आगीवर नियंत्रण मिळवण्यात अग्निशमन दलाला यश आले़ या आगीत पहिल्या आणि दुसऱ्या मजल्यांचे सर्वाधिक नुकसान झाले. तेथील कपडे, किराणा माल, फर्निचर, व्हिडिओ हॉलच्या खुर्च्या, तसेच अन्य साहित्य खाक झाले. याशिवाय इमारतीलाही तडे गेले आहेत़ शॉर्ट सर्किटमुळे ही आग लागली असावी, अशी शक्यता व्यक्त करण्यात येत आहे. (प्रतिनिधी)