ऑनलाइन टीम
मुंबई, दि. ८ - नवी मुंबईतील सीवूड - बेलापूर स्थानकांदरम्यान रुळाला तडा गेल्याने हार्बर रेल्वेची वाहतूक ठप्प झाली आहे. शुक्रवारी सकाळी ११.३० पासून वाहतूक ठप्प झाली असून प्रवाशांचे हाल होत आहेत. रुळाला तडे गेल्याने पनवेलहून मुंबईकडे येणा-या मार्गावरील रेल्वेसेवा ठप्प झाली असून रेल्वे अधिकारी व कर्मचारी घटनास्थली दाखल झाले आहेत. थोड्याच वेळात रेल्वेसेवा पूर्ववत सुरू होईल, असे समजते.