उस्मानाबादमध्ये चीन, पाकिस्तानच्या ध्वजाची होळी

अमरनाथ यात्रेवर झालेल्या दहशतवादी हल्ल्याच्या निषेधार्थ ढोकी येथे युवा सेना व ग्रामस्थांच्या वतीने चीन, पाकिस्तानचे ध्वज, वस्तू फलकांची होळी करून घोषणाबाजी करण्यात आली़

ऑनलाइन लोकमतढोकी(उस्मानाबाद), दि. 11 - अमरनाथ यात्रेवर झालेल्या दहशतवादी हल्ल्याच्या निषेधार्थ ढोकी येथे युवा सेना व ग्रामस्थांच्या वतीने चीन, पाकिस्तानचे ध्वज, वस्तू फलकांची होळी करून घोषणाबाजी करण्यात आली़भारतविरोधी भूमिका घेणाऱ्या चीनला धडा शिकवण्यासाठी सरकारने अधिकृतपणे चिनी वस्तूंचा वापर न करण्याविषयी जाहीर भूमिका घ्यावी, भारत देशातील सर्व व्यापाऱ्यांनी ‘मेड इन चायना’च्या वस्तू खरेदी आणि विक्री करू नये, असे आवाहन करण्यात आले़ यावेळी चीन, पाकिस्तान ध्वज आणि चिनी ड्रॅगन व इतर वस्तूंच्या फलकाला चपलाचे फटके मारून त्याची होळी करण्यात आली़ यावेळी अमरनाथ दहशतवादी हल्ल्यात मृत्युमुखी पडलेल्या भाविकांना श्रद्धांजली वाहण्यात आली. यावेळी युवा सेनेचे पदाधिकारी, कार्यकर्ते व ग्रामस्थ उपस्थित होते़