ऑनलाइन लोकमत
कोल्हापूर, दि. ४ - भूमाता ब्रिगेडच्या महिलांना शनी चौथ-यावर प्रवेश करण्यापासून रोखल्यामुळे सुरू झालेला वाद अद्याप ताजा आहे. मात्र असे असतानाच कोल्हापूरच्या प्रसिद्ध महालक्ष्मी मंदिराच्या गाभा-यात प्रवेश करण्याचा प्रयत्न करणा-या महिलांना पुजारी महिलांनीच रोखल्याची घटना घडली.
अवनी संस्थेच्या काही महिला कार्यकर्त्यांनी सोमवारी सकाळी अंबाबाईच्या मंदिरात प्रवेश करून गाभा-या घुसण्याचा प्रयत्न केला. मात्र तेथील महिला पुजा-यांनी त्यांना रोखून धरत प्रवेश करू देण्यास नकार दिला. यामुळे महिला कार्यकर्त्याही संतापल्या आणि मंदिरात काही काळ तणावाचे वातावरण निर्माण झाले.