मुंबई : महाराष्ट्र वस्तू व सेवा कर विधेयकासह (जीएसटी) संबंधित इतर विधेयकांना मंजुरी देण्यासाठी राज्य विधिमंडळाचे विशेष अधिवेशन १७ मे रोजी घेण्याचा निर्णय राज्य मंत्रिमंडळाने घेतला. संसदेने केंद्रीय वस्तू व सेवा कर विधेयक तसेच एकात्मिक वस्तू व सेवा कर विधेयक पारित केले असून त्यास राष्ट्रपतींनी संमती दिली आहे. घटनात्मक तरतुदीनुसार केंद्र व राज्यास वस्तू व सेवांवर कर लावण्याचा अधिकार प्राप्त झाला आहे. त्या अधिकारांतर्गत राज्याच्या विधानमंडळाने वस्तू व सेवा कर विषयक विधेयक पारित करण्याची आवश्यकता आहे. त्यासाठी हे विशेष अधिवेशन होईल. (प्रतिनिधी)
जीएसटीसाठी विधिमंडळाचे अधिवेशन
By admin | Published: April 26, 2017 2:25 AM