Maharashtra Assembly Election Result 2024: देवेंद्र फडणवीस, अमित शाहांची बैठक टळली; एकनाथ शिंदे-अजित पवार आज दिल्लीला जाणार

Maharashtra Assembly Election 2024 Results Highlights: फडणवीस सोमवारी शाह आणि पक्षाध्यक्ष जे. पी. नड्डा यांची भेट घेतील अशी चर्चा होती. शिंदेसेना आणि भाजपमध्ये मुख्यमंत्रिपदावरून रस्सीखेच सुरू आहे.

चंद्रशेखर बर्वे

नवी दिल्ली - महाराष्ट्राच्या मुख्यमंत्रिपदाचा तिढा आणि सरकार स्थापन करण्याच्या मुद्यावर तोडगा निघण्याची शक्यता सोमवारी रात्री मावळली. उपमुख्यमंत्रीदेवेंद्र फडणवीस आणि गृहमंत्री अमित शाह यांची बैठक होऊ शकली नाही.

देवेंद्र फडणवीस यांनी पत्रकारांना सांगितले की, मी लोकसभा अध्यक्ष ओम बिर्ला यांच्या खासगी कार्यक्रमासाठी  दिल्लीत आलो होतो. शाह यांच्यासोबत बैठक होण्याची शक्यता नाही. मी आता मुंबईला परत जात आहे. फडणवीस सोमवारी शाह आणि पक्षाध्यक्ष जे. पी. नड्डा यांची भेट घेतील अशी चर्चा होती. शिंदेसेना आणि भाजपमध्ये मुख्यमंत्रिपदावरून रस्सीखेच सुरू आहे. मुख्यमंत्री एकनाथ शिंदे आणि उपमुख्यमंत्री अजित पवार मंगळवारी दिल्लीला येणार असून शाह यांची भेट घेणार असल्याचे सूत्राने सांगितले.