Maharashtra Vidhan Parishad Election Result 2024: विधान परिषद निवडणुकीत महायुतीची बाजी! काँग्रेसची ७ मते फुटली? कुणाला मिळाली? पाहा मतांचे गणित

Maharashtra Vidhan Parishad Nivadnuk Nikal 2024 Live Updates: महायुतीचे सर्वच्या सर्व ९ जण विजयी, मविआतील शेकापचे जयंत पाटील पराभूत

Maharashtra Vidhan Parishad Election Result 2024: विधान परिषदेच्या निवडणुकीत ( Maharashtra MLC Election Result 2024 ) महायुतीने मतांचे गणित जुळवून आणत बाजी मारली. विधान परिषदेच्या ११ रिक्त जागांसाठी १२ उमेदवार रिंगणात होते. महायुतीने ९ तर महाविकास आघाडीने ३ उमेदवार दिले होते. गुप्त पद्धतीने मतदान झाले आणि निकाल लागला. यात भाजपाचे पंकजा मुंडे, योगेश टिळेकर, अमित गोरखे, परिणय फुके आणि पुरस्कृत सदाभाऊ खोत तर महायुतीतील शिवसेनेच्या भावना गवळी व कृपाल तुमाणे आणि राष्ट्रवादी काँग्रेसचे शिवाजीराव गर्जे आणि राजेश विटेकर असे सर्व ९ उमेदवार विजयी झाले. महाविकास आघाडीतील काँग्रेसच्या प्रज्ञा सातव आणि ठाकरेंच्या शिवसेनेचे मिलिंद नार्वेकर विजयी झाले. तर शरद पवारांच्या राष्ट्रवादी पुरस्कृत शेकाप नेते जयंत पाटील यांचा पराभव झाला.

#WATCH | BJP leader Pankaja Munde celebrates with her supporters she wins Maharashtra MLC polls

All 9 Mahayuti candidates have won Maharashtra MLC polls.

(Video source: Pankaja Munde's Office) pic.twitter.com/WwzsdjqXYY

— ANI (@ANI) July 12, 2024

विधान परिषदेच्या ११ विजयी उमेदवारांना किती मते मिळाली?

1. योगेश टिळेकर (भाजपा) - २६
2. पंकजा मुंडे (भाजपा) - २६
3. परिणय फुके (भाजपा) - २६
4. अमित गोरखे (भाजपा)- २६
5. सदाभाऊ खोत (भाजपा)- २६
6. भावना गवळी (शिंदे गट)- २४
7. कृपाल तुमाने (शिंदे गट)- २५
8. राजेश विटेकर (दादा गट)- २३
9. शिवाजीराव गर्जे (दादा गट)- २४
10. प्रज्ञा सातव (काँग्रेस)- २५
11. मिलिंद नार्वेकर (ठाकरे गट)- २४

पराभूत उमेदवार

जयंत पाटील (शेकाप- शरद पवार गट पुरस्कृत)- १२

9/9 👍 #MLCElection#VidhanParishad#Maharashtra

— Devendra Fadnavis (@Dev_Fadnavis) July 12, 2024

काँग्रेसची फुटलेली ७ मते कुठे गेली?

1. काँग्रेसची ७ मते फुटल्याचा संशय सध्या तरी बांधला जातोय. काँग्रेसकडे एकूण ३७ मते होती. काँग्रेसच्या उमेदवार प्रज्ञा सातव यांना पहिल्या पसंतीची २५ मते मिळाली.
2. सातवांना २५ मते दिल्यानंतर काँग्रेसकडे १२ मते शिल्लक राहिली. उद्धव ठाकरेंच्या शिवसेनेकडे १७ मते होती, त्यामुळे मिलिंद नार्वेकर यांना काँग्रेसच्या ६ मतांची गरज होती.
3. नार्वेकरांना उद्धव ठाकरेंच्या शिवसेनेचे १७ आणि काँग्रेसची ५ अशी पहिल्या पसंतीची फक्त २२ मते मिळाली. म्हणजेच काँग्रेसची १२ पैकी ७ मते फुटली.
4. अजित पवारांच्या राष्ट्रवादी काँग्रेसकडे ४२ मते होती पण त्यांच्या दोनही उमेदवारांना मिळून ५ मते जास्त मिळाली. म्हणजेच काँग्रेसच्या ७ पैकी ५ मते अजितदादांच्या राष्ट्रवादीने फोडली असा अंदाज आहे.
5. भाजपाकडे ११५ मते होती आणि भाजपाच्या उमेदवारांना पहिल्या पसंतीची एकूण ११८ मते मिळाली.
6. भाजपाला एकूण ३ मते जास्त मिळाली. त्यापैकी एक मत हे मनसेचे असू शकते. याचाच अर्थ उर्वरित दोन अधिकची मते ही भाजपाला काँग्रेसकडून मिळाल्याचा अंदाज आहे.
7. एकनाथ शिंदे यांच्या शिवसेनेकडे अपक्ष आमदारांच्या पाठिंब्यासह पहिल्या पसंतीची ४६ मते होती. शिंदेंच्या शिवसेनेला ४९ मते मिळाली. म्हणजेच त्यांनाही समाजवादी पार्टी आणि MIM ची मते मिळाल्याची शक्यता आहे.