ऑनलाइन लोकमत
नागपूर, दि. 17 - कोंढाळी- काटोल मार्गावरील चक्रीघाटात दोन एसटी बसची समोरासमोर धडक होऊन अपघात झाला आहे. या अपघातात २० प्रवासी जखमी झाले आहेत. ४ जण गंभीर जखमी असून त्यांना उपचारासाठी नागपूर मेडिकलमध्ये भरती करण्यात आलं आहे.
कोंढाळी - सावनेर एसटी बस (एमएच-४०/एन-९५५८) व काटोलकडून येणारी एसटी बस (एमएच-४०/८५६४) या दोन बसची कोंढाळी - काटोल मार्गावर चक्रीघाटात समोरासमोर धडक झाली. अपघातात २० प्रवासी जखमी झाले आहेत. यापैकी गंभीर जखमी प्रवासी सिंधू मुंगभाते (३५, रा शिवा), लक्ष्मी भाऊराव साठोणे (५८), अशोक डेंगे (५३, रा शिवा) यांना नागपूर मेडिकलमध्ये उपचारासाठी भरती करण्यात आले आले. उर्वरित जखमींवर कोंढाळी प्राथमिक आरोग्य केंद्रात उपचार सुरू आहेत.