देवरूख (जि. रत्नागिरी) : नोकरी मिळत नसल्याच्या नैराश्येतून येथील राज्यस्तरीय बॉक्सिंगपटू प्रफुल्ल कदम याने राहत्या घरी गळफास घेऊन आत्महत्या केली. ही घटना शुक्रवारी पहाटे घडली. त्याच्या पश्चात आई, वडील, आजी, तीन बहिणी व एक भाऊ असा परिवार आहे.प्रफुल्लने नोकरीसाठी अनेक ठिकाणी अर्ज केले होेते. मात्र, त्याच्या प्रयत्नांना यश येत नसल्याने नैराश्येतून त्याने हे टोकाचे पाऊल उचलले. प्रफुल्ल वाणिज्य शाखेतील पदवीधर होता. प्रसिध्द बॉक्सिंगपटू वैभव वनकर यांच्याकडून त्याने बॉक्सिंगचे धडे घेतले होते.सन २००९ मध्ये नागपूर येथे झालेल्या राज्यस्तरीय बॉक्सिंग स्पर्धेत तो सहभागी झाला होेता. जिल्हास्तरीय व विभागीय स्पर्धेत त्याने विविध पदके पटकाविली होती.
नोकरी मिळत नसल्याने बॉक्सिंगपटूची आत्महत्या
By लोकमत न्यूज नेटवर्क | Published: July 29, 2017 4:37 AM