वाडा : तालुक्यातील महत्वाच्या समजल्या जाणाऱ्या नारे ग्रामपंचायतीवर सुधीर पाटील यांच्या परिवर्तन पॅनलने आपला झेंडा फडकवला असून सरपंचपदी प्रेमा बागराव यांची तर उपसरपंचपदी सुधीर पाटील यांची बुधवारी बिनविरोध निवड करण्यात आली. नवनियुक्त सरपंच व उपसरपंच यांच्या निवडीचे ग्रामस्थांनी फटाके वाजवून व गुलाल उधळून जल्लोषात स्वागत केले. नारे ग्रामपंचायतीची सदस्य संख्या ९ असून ९ पैकी ९ जागांवर परिवर्तन पॅनलने बाजी मारली होती. गेल्या अनेक वर्षा पासून राष्ट्रवादी काँग्रेस व भाजपची सत्ता होती. ही सत्ता परिवर्तन पॅनलने उलथवून टाकली आहे. सापरोंडे मांगाठणे ग्रामपंचायतीवर स्वाभिमान संघटनेने आपला झेंडा फडकविला असून या ग्रामपंचायतीच्या सरपंचपदी सुचिता गवारी यांची तर उपसरपंचपदी प्रशांत पाटील यांची बिनविरोध निवड करण्यात आली. डोंगस्ते ग्रामपंचायत भाजपाने आपल्या ताब्यात घेतली आहे. या ग्रामपंचायतीच्या सरपंचपदी संजीवनी धानवे यांची तर उपसरपंचपदी संदीप पष्टे यांची निवड झाली आहे. (वार्ताहर)
नारे ग्रामपंचायतीच्या सरपंचपदी प्रेमा बागराव
By लोकमत न्यूज नेटवर्क | Published: July 21, 2016 3:35 AM