हॉटेलमधील आगीत एकाचा मृत्यू

मालाड येथील वसंत विजय या हॉटेलमध्ये लागलेल्या आगीत सिलिंडरचा स्फोट होऊन एकाचा मृत्यू झाला

मुंबई : मालाड येथील वसंत विजय या हॉटेलमध्ये लागलेल्या आगीत सिलिंडरचा स्फोट होऊन एकाचा मृत्यू झाला. याप्रकरणी मालाड पोलीस अधिक तपास करीत आहेत. मालाड येथील मामलेदार वाडी क्रमांक २ मधील जैन देव निवास इमारतीलगत हे हॉटेल आहे. रात्री अकराच्या सुमारास शॉर्टसर्किटमुळे हॉटेलमध्ये आग लागली. त्यात सिलिंडरचा स्फोट झाल्याने आग आणखी वाढली. यादरम्यान हॉटेलमध्ये अडकलेल्या राजू ऊर्फ पिंटू तिवारीचा मृत्यू झाला. (प्रतिनिधी)