म्हाडाच्या दोन परीक्षांचा निकाल झाला जाहीर

महाराष्ट्र गृहनिर्माण व क्षेत्रविकास प्राधिकरणातील (म्हाडा) विविध पदांसाठी तीन टप्प्यांमध्ये परीक्षा घेण्यात आली होती. यापैकी दोन टप्प्यात घेण्यात आलेल्या परीक्षेचा निकाल म्हाडाने

मुंबई : महाराष्ट्र गृहनिर्माण व क्षेत्रविकास प्राधिकरणातील (म्हाडा) विविध पदांसाठी तीन टप्प्यांमध्ये परीक्षा घेण्यात आली होती. यापैकी दोन टप्प्यात घेण्यात आलेल्या परीक्षेचा निकाल म्हाडाने जाहीर केला आहे. रविवारी १ नोव्हेंबर रोजी अखेरच्या टप्प्यात झालेल्या परीक्षेचा निकाल या आठवड्यात जाहीर करण्यात येईल, असे म्हाडाच्या अधिकाऱ्यांनी सांगितले.कार्यकारी अभियंता (स्थापत्य), मुख्य माहिती व संचार तंत्रज्ञान अधिकारी, उपअभियंता (स्थापत्य व विद्युत), सहायक विधी सल्लागार, विधी सहायक, लेखाधिकारी, सहायक लेखाधिकारी, मिळकत व्यवस्थापक/ प्रशासकीय अधिकारी, सहायक, कनिष्ठ अभियंता (स्थापत्य व विद्युत) या पदांची परीक्षा २0 आॅक्टोबरला घेण्यात आली, तर लघुटंकलेखक आणि कनिष्ठ लिपिक टंकलेखक या पदांसाठी २५ आॅक्टोबर रोजी परीक्षा घेण्यात आली. या परीक्षांचा निकाल म्हाडाच्या https://mhada.maharashtra.gov.in या संकेतस्थळावर जाहीर करण्यात आला असल्याचे, म्हाडाचे सचिव डॉ. बी.एन. बास्टेवाड यांनी सांगितले. स्थापत्य अभियांत्रिकी सहायक, भूमापक, वायरमन या पदांसाठीच्या परीक्षेचा निकाल या आठवड्यात जाहीर करण्यात येईल, असेही त्यांनी सांगितले.