Supriya Sule NCP: "तर २०२४ ला राष्ट्रवादी राज्यातील पहिल्या क्रमांकाचा पक्ष असेल"; सुप्रिया सुळेंनी व्यक्त केला विश्वास

नवाब मलिकांनी फर्जीवाडा बाहेर काढल्याने त्यांच्यावर कारवाई केल्याचाही सुप्रिया सुळेंचा आरोप

Supriya Sule NCP: देशात आणि राज्यात सध्या जे काही सुरू आहे त्यावरून भाजपा संसदीय लोकशाहीवर हल्ला करत असल्याचे टीकास्त्र राष्ट्रवादी काँग्रेसचे अध्यक्ष शरद पवार यांनी सोडले. आज राष्ट्रवादी काँग्रेसची राज्य कार्यकारिणीची बैठक यशवंतराव चव्हाण प्रतिष्ठान मुंबई येथे पार पडली. याच कार्यक्रमात शरद पवार यांच्या कन्या खासदार सुप्रिया सुळे यांनी कार्यकर्त्यांना मार्गदर्शन करताना मोठं विधान केलं. प्रदेशाध्यक्ष जयंत पाटील आणि माजी उपमुख्यमंत्री अजित पवार यांनी एकत्र दौरा काढला तर राज्यात मोठा बदल होऊ शकतो. त्यामुळे २०२४ मध्ये राष्ट्रवादी हा एक नंबरचा पक्ष होईल, असा विश्वास सुप्रिया सुळे यांनी व्यक्त केला.

आज यशवंतराव चव्हाण प्रतिष्ठान, मुंबई येथे राष्ट्रवादी काँग्रेस पक्षाचे राष्ट्रीय अध्यक्ष आदरणीय @PawarSpeaks साहेब यांच्या प्रमुख उपस्थितीत पक्षाची आढावा बैठक संपन्न झाली. यावेळी पक्षाचे सर्व वरिष्ठ नेते, प्रदेश पदाधिकारी, विविध सेल व फ्रंटलचे पदाधिकारी उपस्थित होते.#NCPpic.twitter.com/ASWdZxMnrs

— NCP (@NCPspeaks) July 12, 2022

"निवडणूका असो नसो आपल्या पक्षाच्या बैठका या होतच असतात. विरोधी पक्षात असताना लोकांनी पवारसाहेबांना जास्त प्रेम दिले आहे. सत्तेत असतानाही दिले आहे. आता जे काही १०५ असल्याचे बोलत आहेत त्यात आपल्या पक्षातून गेलेले आपले ५० आहेत हे लक्षात ठेवा असे सूचक विधानही खासदार सुप्रियाताई सुळे यांनी. प्रदेशाध्यक्ष जयंत पाटील आणि अजितदादा यांनी एकत्र दौरा काढला, तर राज्यात मोठा बदल होऊ शकतो. त्यामुळे २०२४ मध्ये राष्ट्रवादी हा एक नंबरचा पक्ष होईल" असे खासदार सुप्रिया सुळे म्हणाल्या.

आता सत्ता गेल्यानंतर पवार साहेबांना विचारलं पुढे काय तर ते म्हणाले की उद्यापासून मी गाडी काढणार आणि राज्यातील शेवटच्या युवकापर्यंत जाणार आणि पक्षाला पुन्हा उभारी देणार. आपण घेतलेल्या निर्णयावर ठाम राहायचे हे पवार साहेबांनी सांगितले आहे. pic.twitter.com/YChSYlKVoz

— NCP (@NCPspeaks) July 12, 2022

नवाब मलिक, अनिल देशमुखांवर अन्याय

"आता विरोधी पक्षाच्या भूमिकेत आहोत. काय करायचं असं जेव्हा साहेबांना विचारते, त्यावेळी पवारसाहेब पावसाचे वातावरण थोडे कमी झाल्यावर गाडी बाहेर काढून शेवटच्या युवकापर्यंत जाण्याचा प्रयत्न करणार असल्याचे सांगत आहेत. पैसे देऊन जाणारे आहेत, त्यांच्यामागे सध्या काय राजकारण सुरू आहे लक्षात आले पाहिजे. मात्र आपण विरोधात असताना आपल्या पक्षाने लीड घ्यावी असे देशातील लोकांना वाटत आहे. नवाबभाई यांनी दिल्लीला अक्षरशः हलवून सोडलं होतं. मोठा फर्जीवाडा बाहेर काढल्याने त्यांच्यावर कारवाई करण्यात आली तर दुसरीकडे अनिल देशमुख यांच्यावरही कारवाई झाली हा एकप्रकारे अन्याय झाला आहे", असा आरोप तपास यंत्रणांवर सुप्रिया सुळे यांनी केला.