शहरं
Join us  
Trending Stories
1
"लोकसभेत गुडघ्यावर आणले, आता महायुतीस पाताळात गाडणार"; उद्धव ठाकरेंचा इशारा
2
"मला हलक्यात घेतलं, त्याचे परिणाम आता दिसतायत"; मुख्यमंत्री एकनाथ शिंदेंचा राऊतांना इशारा
3
"केंद्र बिंदूच्या बुडाला आग लावायची वेळ आली"; उद्धव ठाकरेंचा ठाण्यातून महायुतीवर घणाघात
4
भविष्यात दोन ठाकरे एकत्र येऊ शकतात का? मनसेसोबत युती होऊ शकते का...? उद्धव ठाकरे म्हणाले...
5
...म्हणून उद्धव ठाकरे यांनी थेट फोनद्वारे घेतली सभा; "नाराज होवू नका एकत्र येवून..."
6
२०१४ ला भाजपाला त्यांची खरी ताकद कळली, अन् त्यानंतर वाढतच गेली!.. जाणून घ्या काय घडलं?
7
"साईबाबांच्या आशीर्वादामुळे उद्धव ठाकरे मुख्यमंत्री झाले, अन्यथा..."; दीपक केसरकरांचा पलटवार
8
Maharashtra Vidhan Sabha Election 2024 :'महाराष्ट्रात पैशाच्या जोरावर सरकार चोरले, तुम्ही संविधानाच्या गोष्टी करता'; प्रियांका गांधींचा हल्लाबोल
9
गावाकडे पण, इकडे शहरातपण यादीत नाव ...! राज्यातील दहा मतदारसंघात नवी मुंबईकरांची नावे
10
Champions Trophy Tour: पाकचा डाव फसला! BCCI च्या आक्षेपानंतर ICC नं सेट केला कार्यक्रम
11
मणिपूरमधील जिरीबाममध्ये तीन मृतदेह सापडले, मंत्री आणि आमदारांच्या निवासस्थानाबाहेर गोंधळ; संचारबंदी लागू
12
पाठिंबा दिलेल्या अपक्ष उमेदवाराला वंचितने दिले चाबकाचे फटके, काळेही फासले; असे का घडले...
13
IND vs AUS: टीम इंडियात बदल होणार? संघात या दोघांना मिळू शकते 'वाइल्ड कार्ड' एन्ट्री
14
दिलीप वळसे, मुश्रीफांना पाडण्याचे शरद पवारांचे आवाहन; अजितदादांवर म्हणाले, "तिथं काय बोलणार..."
15
भाजपानं घोषित केलेली 'भावांतर योजना' गेमचेंजर ठरणार?; शेतकर्‍यांची चिंता मिटणार
16
पत्रकार गुलाम आहेत; अमरावतीच्या सभेत राहुल गांधींचं विधान; पत्रकारांनी व्यक्त केला संताप
17
'बंटोगे तो कटोगें'वर कंगना यांचा घुमजाव; आधी म्हणाली, "हा विरोधकांचा मुद्दा" अन् नंतर...
18
भाजपच्या किती जागा येणार? जयंत पाटलांनी सांगितला आकडा; केली मोठी भविष्यवाणी!
19
Maharashtra Vidhan Sabha Election 2024 : शिराळा विधानसभेत टफ फाईट! सत्यजीत देशमुख की मानसिंगराव नाईक,कोण मारणार बाजी?
20
भारताने ब्रिटनच्या अर्थव्यवस्थेला मागे टाकले! माजी पंतप्रधान लिज ट्रस म्हणाल्या, "पश्चिमात्य देशांची प्रतिष्ठा संकटात"

शिर्डीचा पालखी मार्ग रुंद होणार

By admin | Published: February 23, 2016 12:49 AM

शिर्डीच्या श्री साईबाबा मंदिराला लागून असलेली ४५ दुकाने हटवून पालखी मार्ग रुंद करण्याची गेली ४५ वर्षे किचकट कोर्टकज्ज्यांमध्ये अडकून पडलेली योजना मार्गी लावण्यास

मुंबई : शिर्डीच्या श्री साईबाबा मंदिराला लागून असलेली ४५ दुकाने हटवून पालखी मार्ग रुंद करण्याची गेली ४५ वर्षे किचकट कोर्टकज्ज्यांमध्ये अडकून पडलेली योजना मार्गी लावण्यास सर्वोच्च न्यायालयाने सोमवारी स्थानिक नगर परिषदेस हिरवा कांदील दाखविला.न्यायालयीन पूर्वेतिहास पाहता दुकानांचे सध्याच्या जागेवरील अस्तित्व बेकायदा नाही, हे वेळोवेळी सिद्ध झाले आहे. तरीही दर्शनासाठी येणाऱ्या भाविकांच्या सुरक्षिततेसाठी रस्ता रुंदीकरणात अडथळा ठरणारी ही दुकाने हटवणे, ही अपरिहार्यता आहे, असे न्या. व्ही. गोपाळ गौडा व न्या. अमिताभ रॉय यांच्या खंडपीठाने ६४ पानी निकालपत्रात नमूद केले.४५ वर्षे तेथे धंदा करणाऱ्या दुकानदारांना मोबदल्यात काहीही न देता देशोधडीला लावता येणार नाही, असेही न्यायालयाने म्हटले. याच न्यायालयाने असा आदेश दिला की, शिर्डी नगर परिषद आणि राज्य सरकारने या दुकानांचे शक्यतो जवळपास स्थलांतर करण्यासाठी येत्या सहा महिन्यांत सुयोग्य अशी पर्यायी जागा उपलब्ध करावी. शक्य झाले नाही तर या त्यांच्या दुकानाच्या आकारमानानुसार प्रत्येकी १५ लाख किंवा २० लाख रुपये भरपाई द्यावीउपाहारागृहे व पूजासाहित्य विकणारी दुकाने अशा दोन वर्गात मोडणारी ही दुकाने आहेत. मोठी दुकाने १६ फूट बाय ११ फूट आकाराची तर लहान दुकाने ७ फूट बाय ११ फूट आकाराची आहेत. पर्यायी जागा न मिळाल्यास मोठ्या दुकानांना प्रत्येकी २० लाख व लहान दुकानांना प्रत्येकी १५ लाख रुपये भरपाई द्यावी लागणार आहे.भरपाईचा खर्च शिर्डी नगर परिषद व सरकार यांनी समप्रमाणात सोसावा. भरपाईची रक्कम मुंबई उच्च न्यायालयाच्या निबंधकांकडे जमा केली जावी व निबंधकांनी योग्य शहानिशा करून तिचे संबंधित दुकानदारांना वाटप करावे. मात्र पर्यायी जागा दिल्याखेरीज किंवा भरपाईची रक्कम जमा केल्याखेरीज जागेवरील आहेत ती दुकाने पाडून रस्ता रुंदीकरणाचे काम करता येणार नाही, असेही न्यायालयाने स्पष्ट केले.या दुकानदारांनी दाखल केलेल्या दिवाणी दाव्यात नाशिकच्या दिवाणी न्यायालयाने १९७९मध्येच त्यांच्या बाजूने निकाल दिला होता. परंतु त्यानंतरच्या घटनाक्रमाने या प्रकरणाचा कायदेशीर गुंता वाढत गेला व अखेर दिवाणी न्यायालयाची डिक्री अंमलात आणली जाऊ शकत नाही, अशी परिस्थिती निर्माण झाली. या पार्श्वभूमीवर उच्च न्यायालयाने सुमारे २ कोटी रुपये भरपाई देऊन दुकाने हटविण्याचा निकाल दिला होता. त्याच्याविरुद्ध दुकानदार सर्वोच्च न्यायालयात गेले होते.दुकानदारांसाठी ज्येष्ठ वकील सिद्धार्थ ल्युथरा यांनी तर शिर्डी नगर परिषदेसाठी ज्येष्ठ वकील शेखर नाफडे यांनी काम पाहिले. (विशेष प्रतिनिधी)