दासगाव / महाड : मुंबई-गोवा महामार्गावर वहूर गावानजीक एसटी बसला मागून आलेल्या ट्रकने जोरात धडक दिली. यामध्ये तीन वाहने एकमेकांवर आदळली. मात्र सुदैवाने कोणीही जखमी झाले नाही.मुंबई-गोवा महामार्गावर वहूर गावफाट्यावर मुंबई-सातारा एमएच १४ बीपी २८८४ ही गाडी थांबली होती. त्या दरम्यान मुंबई दिशेने जाणाऱ्या एका ट्रकने समोरून बसला जोरात धडक देवून पसार झाला. यावेळी एसटी मागून येणारा आयशर टेम्पो क्र. केए ३७ ए ०४७७ याने गाडीच्या मागील बाजूस धडक दिली. दोन ट्रक आणि एक एसटी बसचा दुपारी साडेबाराच्या सुमारास अपघात झाला. या अपघातात एसटीमधील तीन प्रवासी किरकोळ जखमी झाले आहेत. यामुळे काही काळ महामार्गावरील वाहतूक एका दिशेनेच सुरू होती. महाड महामार्ग पोलिसांनी घटनास्थळी जावून तीनही वाहने बाजूला केली. (वार्ताहर)
एसटीसह तीन वाहनांचा अपघात
By लोकमत न्यूज नेटवर्क | Published: November 19, 2016 3:16 AM