उष्माघाताने चिमुकल्याचा बळी

समुद्रपूर तालुक्यातील हिवरा येथील बारा महिन्याच्या चिमुकल्याचा उष्माघाताने आज सायंकाळी पाच वाजताच्या दरम्यान मृत्यू

ऑनलाइन लोकमत

वर्धा, दि. 19 - समुद्रपूर तालुक्यातील हिवरा येथील बारा महिन्याच्या चिमुकल्याचा उष्माघाताने आज सायंकाळी पाच वाजताच्या दरम्यान मृत्यू झाला.

 

तालुक्यात उन्हाचा तडाखा वाढला असून पारा 46 पर्यंत पोहचला आहे . बुधवारी ता.19 सायंकाळी पाच वाजताच्या दरम्यान वेदांत योगेश्वर झालवडे (वय 12 महिने ) याची अचानक तब्येत बिघडली. समुद्रपूर येथील ग्रामीण रुग्णालयात उपचाराकरिता आणले असता वैद्यकीय अधिकारी डॉ.रविशंकर नरवाडे यांनी त्याला मृत घोषित केले.