शहरं
Join us  
Trending Stories
1
Vinod Tawde: विनोद तावडे ठाकुरांच्याच कारमधून एकत्र का गेले? हितेंद्र ठाकुरांनी सगळे सांगितले...
2
Maharashtra Vidhan Sabha Election 2024 : "मला गोळ्या झाडा मी मरणार नाही, तुम्हाला सोडणार"; हल्ल्यानंतर अनिल देशमुखांची पहिली प्रतिक्रिया
3
Vinod Tawde: ज्या पैशांवरून राडा केला, ते माझे नाहीतच; ज्या खोलीत पैसे सापडले तिथे मी गेलोच नव्हतो : विनोद तावडे
4
“देवेंद्र फडणवीस यांची ही ‘लाडका विनोद’ योजना आहे का?”; काँग्रेसची खोचक टीका
5
"राहुलजी, याला पोरकटपणा म्हणायचं नाही तर काय..."; विनोद तावडे यांचे राहुल गांधींना चोख प्रत्युत्तर
6
Indian Sports Honours 2024 : मनू, नीरज, स्मृतीसह यशस्वीचा सन्मान; पुरस्कार विजेत्यांची संपूर्ण यादी
7
राज्यातील 'हे' ३१ उमेदवार स्वतःला मत देऊ शकणार नाहीत! नक्की काय आहे प्रकरण?... वाचा
8
Baba Siddique : बाबा सिद्दिकी हत्या प्रकरणात मोठा खुलासा; आरोपीने सांगितलं नाव, कोण होता मास्टरमाइंड?
9
आदित्य ठाकरेंविरोधात भाजपची निवडणूक आयोगाकडे तक्रार; आचारसंहितेचे उल्लंघन केल्याचा आरोप
10
Vinod Tawde: हे गँगवॉर असू शकते...; विनोद तावडे प्रकरणात उद्धव ठाकरेंनी व्यक्त केला संशय
11
“५ कोटी कोणाच्या सेफमधून बाहेर आले?”; विनोद तावडे प्रकरणी राहुल गांधींचा PM मोदींना सवाल
12
विनोद तावडेंवर पैसे वाटपाचा आरोप; बविआचा राडा, निवडणूक आयोगाची पहिली प्रतिक्रिया काय?
13
Amol Kolhe : "पैशाच्या जोरावर महाराष्ट्र जिंकायचा, गुजरातच्या दावणीला बांधायचा"; अमोल कोल्हेंचा भाजपावर हल्लाबोल
14
'पैशासाठी दिल्ली कॅपिटल्सचा संघ सोडलेला नाही...', IPL 2025 लिलावापूर्वी Rishabh Pant च्या पोस्टने खळबळ
15
मतदान एका दिवसावर! महायुती की मविआ?... हे मुद्दे विचारात घेऊन मतदार मत देणार…
16
Vinod Tawde : भाजप नेते विनोद तावडे यांच्यावर निवडणूक आयोगाची कारवाई, पैसे वाटल्याच्या आरोपावरून FIR दाखल
17
मणिपूरमध्ये वाद वाढला, एनडीएचा प्रस्ताव मैतेई संघटनेने फेटाळला; २४ तासांचा अल्टिमेटम दिला
18
“भाजप अन् विनोद तावडेंवर निवडणूक आयोगाने कठोर कारवाई करावी”: बाळासाहेब थोरात
19
Video - डान्स करतानाच नवरदेवाला आला हार्टअटॅक; वराती ऐवजी निघाली अंत्ययात्रा
20
विनोद तावडेंच्या डायरीत १५ कोटी रुपयांची नोंद; क्षितीज ठाकूर यांचा खळबळजनक आरोप

संकटातल्या जगण्याचा "ट्वेन्टी ट्वेन्टी" थरार!

By लोकमत न्यूज नेटवर्क | Published: June 13, 2021 6:03 AM

क्रिकेटचा सामना असला, तरी त्यातूनही सकारात्मक विचारांची उजळणी करता येते.. ती कशी? 

ठळक मुद्देनाणेफेक जिंकून घेतलेल्या निर्णयामुळे आपण जिंकतोच असं नाही आणि नाणेफेकीमध्ये पत्कराव्या लागलेल्या निर्णयामुळे हरतो असंही नाही.

- डॉ. राजेंद्र बर्वे

सुरुवातीला तो सात्विक संतापानं बोलत होता. "माझ्या मनोरंजनावर अतिक्रमण करण्याचा तुम्हाला कोणी अधिकार दिला? अभिव्यक्ती आणि करमणूक कोणी कशी करावी, यावर आपला नागरिक म्हणून हक्क आहे !" त्याला राग आला होता कारण त्याला हव्या तशा ट्वेन्टी ट्वेन्टी क्रिकेटच्या मॅच होत नव्हत्या. क्रिकेट हा माझ्या मित्राचा हक्क, अधिकार, अभिव्यक्ती वगैरे सर्व काही होतं. बरंच बोलण ऐकल्यावर मी कान पुसून काढला, कारण शिव्यांचा गाळ अडकला होता. फोनवरचा वार्तालाप संपण्याकरता मी म्हटलं ‘तू क्रिकेट या खेळापासून जीवन जगण्याची कला आणि विज्ञान शिकलेला दिसत नाहीस !!"

काही क्षण तो थांबला, मग माझ्यावर घसरला. म्हणाला, "तुला काहीही कुठेही दिसतं. निखळ मनोरंजन, अटीतटीच्या सामन्यातला थरार आणि त्यावेळी होणारी सळसळ समजतच नाही का तुला?"

- मग मात्र संवाद संपला कारण मी ऐकणं सोडून दिलं. बऱ्याच वेळानं तो म्हणाला, "सांग ना गप्प का बसलास?"

मी म्हणालो, "ऐक ! क्रिकेटमध्येही होकारात्मकतेची एक खूण मला गवसलीय.. नीट ऐकलंस तर तुलाही पटेल !"

तर मित्र म्हणाला, "सांग"!

मी सांगत गेलो तर गप्पांच्या शेवटी मित्र म्हणाला, ‘दांडी गुल झाली यार. लॉकडाऊन संपू दे, रविवारी भेट, तुला हरवीन !!’

- आम्ही दोघे हसलो.

-------------------

नाणेफेक :

- म्हणजे नशिबाची पारख, क्षणार्धात होते पण नाणेफेक जिंकल्यानंतर घ्यावा लागतो निर्णय : आधी बॅटिंग की बोलिंग. आपणही कधी नाणेफेक जिंकतो किंवा हरतो. कधी आपले अंदाज चुकतात. नाणेफेक जिंकून घेतलेल्या निर्णयामुळे आपण जिंकतोच असं नाही आणि नाणेफेकीमध्ये पत्कराव्या लागलेल्या निर्णयामुळे हरतो असंही नाही. सध्याच्या काळात तर नाणे फेकणारा कोणी भलताच असला, तरी आपण हरायचं नाही असं ठरवून खेळत राहू !

बॅटिंग :

- यात कला-कौशल्य आणि विज्ञान आहे. बॅटचं वजन, आपले पायाचे आणि हाताचे स्नायू यांची परस्पर मैत्री, बॅट चपळतेने चालवण्याचं कौशल्य, किती जोर लावायचा, बॉलचा वेग आणि अंगावर येण्यामधील ट्रॅजेक्टरी (कमान) हे सारं विज्ञान ! जगतानाही हे सारं महत्त्वाचंच !! बाहेरची परिस्थिती, आपली तयारी, येणाऱ्या संकटातली संधी आणि संधीतलं संकट याचा अचूक वेध घ्यावा लागतो. अत्यंत सावधपणे खेळावं लागतं. सर्वांत महत्त्वाचं ठरते अचूक आणि तत्पर निर्णय क्षमता. प्रत्येक बॉल वेगळा. क्षणस्थ राहून त्यावरच लक्ष. "यानंतरच्या ओव्हरमधला तिसरा बॉल असा टोलवीन" असला विचार म्हणजे नक्कीच बळी, शिवाय आधीच्या चुकलेल्या निर्णयावरती हळहळ म्हणजे नक्की त्रिफळा !!

बॉलिंग :

- आपली चेंडूफेक म्हणजे आपल्या व्यक्तिमत्त्वाचं प्रतिबिंब. चेंडू म्हणजे आपल्याला मिळालेलं अवजार. आपलं शस्त्र. त्यावर सहज पण पकड हवी. खेरीज प्रत्येक चेंडू फेकीत नवी खेळी, नवं धोरण, नवा चकवा म्हणजे आयुष्यातली धूर्त चढाऊ वृत्ती. बरं आपल्या चेंडूच्या अचूक माऱ्याला फलंदाजाने सहज टोलवून आपला पचका केला तरी पुढच्या चेंडू फेकीतील कुशलता हरवून चालत नाही. प्रत्येक चेंडू म्हणजे आपलं सर्वस्व पणाला लावून शत्रूला चकवण्याची, चुचकारून फसविण्याची नामी संधी ! कोविडच्या काळात आपली मुखपट्टी, हात धुणे, सुरक्षित अंतर, लस हे आपले चेंडू आहेत. नीट खेळलो की कोरोनाची दांडी गुल !!

यष्टिरक्षण:

- या खेळाडूची नजर भलतीच तीक्ष्ण आणि शारीरिक लवचिकता लयभारी ! शत्रूच्या गोटात शिरून फलंदाजाचा अभ्यास, त्याच्या चुका हेरण्याची, स्वभाव ओळखण्याची नामी संधी ! प्रत्यक्ष जीवनात हा पवित्रा कधी विलक्षण यशस्वी ठतो. क्षणोक्षणीच्या निर्णयाचे दूरगामी परिणाम त्यामुळे कळून येतात. फलंदाजाचा त्रिफळा उडवणं म्हणजे आपल्या कौशल्याची, चपळाईची कमाल असते. असे क्षण हेरण्याकरता सतर्कता असावी लागते.

क्षेत्ररक्षण :

हा खेळाडू म्हणज होकारात्मतेची रम्य शिकवण. आधी कॅच पकडण्याची तयारी, सीमेपर्यंत चेंडू न पोहोचण्याची धडपड, पुन्हा चेंडूफेक करून धावचित करण्याची आणि निदान धाव वाचवण्याची चपळाई... क्षणोक्षणी बदलणारी भूमिका आणि खेळी. विलक्षण लवचिकता आणि निर्णयाच्या अंमलबजावणीची तत्परता. यातून म्हणता म्हणता जीवनातली भूमिका अचानक बदलण्याची मानसिक सज्जता !!

(ख्यातनाम मनोविकारतज्ञ)

drrajendrabarve@gmail.com