शहरं
Join us  
Trending Stories
1
मुख्यमंत्री होताच हेमंत सोरेन यांचा मोठा निर्णय, 'मैया सन्मान योजने'संदर्भात मोठी घोषणा
2
अमेरिकन भारतात पैसा गुंतवतात; मुकेश अंबानींनी अमेरिकेत केलं मोठं डील
3
PM Modi Salary: पंतप्रधान मोदींना दर महिन्याला सत्कार भत्ता म्हणून मिळतात केवळ 3000 रुपये, जाणूनघ्या किती आहे सॅलरी?
4
“आधी CM राज्यात ठरायचा आता दिल्लीत निर्णय होतो, अजितदादांनी वेगळा अनुभव घ्यावा”: काँग्रेस
5
इस्रायलनं काही तासांतच केलं युद्धविरामाचं उल्लंघन? लेबनानमध्ये हिजबुल्लाहच्या ठिकाणावर केला मोठा हवाई हल्ला
6
Killer Cat: पाळलेल्या मांजरीच्या हल्ल्यात एकाचा मृत्यू; पत्नी म्हणते...
7
विराट कोहली सोबत World Cup ची ट्रॉफी उंचावणाऱ्या भारतीय खेळाडूचा क्रिकेटला रामराम
8
शाही जामा मशिदीच्या सर्वेक्षणाविरोधात मशीद समितीची सर्वोच्च न्यायालयात धाव; उद्या सुनावणी
9
"घुमटात मंदिराचे अवशेष..., तळघरात आजही गर्भगृह विद्यमान"; अजमेर शरीफ दर्ग्यासंदर्भात हिंदू सेनेनं केले आहेत मोठे दावे
10
कलादिग्दर्शक नितीन चंद्रकांत देसाईंचा ND स्टुडिओ आता 'गोरेगाव फिल्मसिटी'च्या ताब्यात!
11
“भाजपा नेहमीच नवीन नेतृत्वाचा शोध घेत असते, राजस्थान-मध्य प्रदेशप्रमाणे...”: चंद्रकांत पाटील
12
"शिंदेनी मुख्यमंत्रीपदाचा दावा सोडलेला नाही", उदय सामंतांच्या विधानामुळे चर्चांना उधाण 
13
बाईकची टाकी फुल ठेवा, जास्त मायलेज मिळवा...! खरोखरच असे होते? तुम्हीही १००-२०० चेच भरता का...
14
IND vs PAK: भारताचा १३ वर्षीय वैभव सूर्यवंशी आता पाकिस्तानला चोपणार, सामना कधी?
15
पत्रकारानं थेट प्रश्न विचारला, अजित दादांनी मिश्किल उत्तर दिलं; म्हणाले, "मी काही ज्योतिष नाही..."! नेमकं काय घढलं?
16
मोठा दावा! एकनाथ शिंदे उपमुख्यमंत्री पदही स्वीकारणार नाहीत; शिंदे गटातून कोण होणार नेता...
17
बांगलादेशात 'इस्कॉन'च्या चिन्मय कृष्ण दास यांना अटक, शेख हसिना यूनुस सरकाविरोधात आक्रमक
18
भारतातील मोबाईल, फोन नंबर +91 ने का सुरु होतात? कोणी दिला हा नंबर...
19
... तर राजकारणातून निवृत्ती घेईन, शहाजीबापू पाटील यांचे मोठे विधान
20
७.८३ टक्के मतं कशी वाढली? नाना पटोलेंच्या आरोपांवर निवडणूक आयोग म्हणतं, "हे सामान्य आहे कारण..."

महिनाभरात कोरोनाचे १५,५१४ रुग्ण, १७७ मृत्यू

By लोकमत न्यूज नेटवर्क | Published: March 01, 2021 4:08 AM

नागपूर : कोरोनाच्या सर्वाधिक रुग्णांची नोंद सप्टेंबर महिन्यात झाली. या महिन्यात ४८,४५७ रुग्ण आढळून आले. त्यानंतर ही संख्या कमी ...

नागपूर : कोरोनाच्या सर्वाधिक रुग्णांची नोंद सप्टेंबर महिन्यात झाली. या महिन्यात ४८,४५७ रुग्ण आढळून आले. त्यानंतर ही संख्या कमी होत गेली. परंतु डिसेंबरपासून पुन्हा रुग्णसंख्येत वाढ होऊ लागली. या महिन्यात १२,००२ रुग्णांची नोंद झाली तर, फेब्रुवारीमध्ये १५,५१४ नव्या रुग्णांची भर पडली. तीन महिन्यानंतर रुग्णात वाढ झाली असली तरी, मृत्यूसंख्येत घट दिसून येत आहे. रविवारी ८९९ रुग्ण पॉझिटिव्ह तर, ५ रुग्णांचा मृत्यू झाला. रुग्णांची एकूण संख्या १,४९,७८८ तर मृतांची संख्या ४१,३३५ झाली आहे.

कोरोनाच्या प्रादुर्भावाला ११ मार्च रोजी एक वर्षाचा कालावधी होत आहे. या महिन्यात १६ रुग्णांची नोंद झाली होती. त्यानंतर ही संख्या वाढत गेली. एप्रिलमध्ये १२२, मेमध्ये ४०३, जूनमध्ये ९६४, जुलैमध्ये ३,८८७, ऑगस्टमध्ये २४,१६३, सप्टेंबरमध्ये ४८,४५७, ऑक्टोबरमध्ये २४,७७४, नोव्हेंबरमध्ये ८,९७९, डिसेंबरमध्ये १२,००२, जानेवारीमध्ये १०,५०७ तर फेब्रुवारीमध्ये १५,५१४ रुग्णांची नोंद झाली. दरम्यानच्या काळात कमी झालेली रुग्णसंख्या वाढताना दिसून येत असली तरी, सप्टेंबर महिन्यानंतर मृत्यूच्या संख्येत घट होत असल्याचे चित्र आहे. सप्टेंबर महिन्यात १४०६, ऑक्टोबरमध्ये ९५२, नोव्हेंबरमध्ये २६९, डिसेंबरमध्ये २५८, जानेवारीमध्ये २२० तर फेब्रुवारीमध्ये १७७ मृत्यूची नोंद झाली. मागील महिन्यात कोरोना चाचण्यांचा विक्रम झाला. १३,०२७ या सर्वाधिक चाचण्यांची नोंद २७ फेब्रुवारी रोजी झाली.

- शहरात ७२२ तर ग्रामीणमध्ये १७४ रुग्ण

नागपूर जिल्ह्यात शनिवारच्या तुलनेत आज चाचण्यांची संख्या कमी झाली. ११,५४२ चाचण्या झाल्या. यातून शहरातील ७२२, ग्रामीणमध्ये १७४ तर जिल्हाबाहेरील ३ रुग्ण पॉझिटिव्ह आले. ग्रामीणमध्ये आज शून्य मृत्यूची नोंद झाली. शहरात व जिल्हाबाहेर प्रत्येकी रुग्णांचा ३ मृत्यू झाला.

- १०,१२८ रुग्ण झाले बरे

फेब्रुवारी महिन्यात १०,१२८ रुग्ण बरे झाले. आतापर्यंत १,३७,२०० रुग्णांनी कोरोनावर मात केली आहे. विशेष म्हणजे, ३१ जानेवारी रोजी बरे होण्याचा दर ९४.४२ टक्के होता. परंतु फेब्रुवारी महिन्यात रुग्णांची संख्या वाढल्याने व त्यातुलनेत बरे झालेल्या रुग्णांची संख्या कमी झाल्याने दर ९१.६० टक्क्यावर आला आहे. आज ५७५ रुग्ण बरे झाले आहेत.

- अ‍ॅक्टिव्ह रुग्णांची संख्या वाढली

३१ जानेवारी रोजी कोरोना अ‍ॅक्टिव्ह रुग्णांची संख्या ३,३३५ होती. यातील ९४४ रुग्ण विविध रुग्णालयात तर २,३९१ रुग्ण होम आयसोलेशनमध्ये होते. २८ फेब्रुवारी रोजी ही संख्या वाढून ८,२५३ झाली आहे. यातील २,३६२ रुग्ण विविध रुग्णालयांमध्ये तर ५,८९१ रुग्ण होम आयसोलेशनमध्ये आहेत. फेब्रुवारी महिन्यात रुग्णसंख्या वाढल्याने आरोग्य यंत्रणेवर कामाचा ताण वाढला आहे.

- असे वाढले रुग्ण

महिना रुग्ण

मार्च १६

एप्रिल १३८

मे ५४१

जून१,५०५

जुलै५,३९२

ऑगस्ट २९,५५५

सप्टेंबर७८,०१२

ऑक्टोबर १,०२,७८६

नोव्हेंबर १,११,७६५

डिसेंबर १,२३,७६७

जानेवारी १३४२७४

फेब्रुवारी १,४९,७८८

- महिन्यातील मृत्यू

महिना मृत्यू

एप्रिल २

मे ११

जून १५

जुलै ९८

ऑगस्ट ९१९

सप्टेंबर १४०६

ऑक्टोबर ९५२

नोव्हेंबर २६९

डिसेंबर २५८

जानेवारी २२०

फेब्रुवारी १७७