ठळक मुद्देमुंंबई व दिल्ली प्रवास
लोकमत न्यूज नेटवर्कनागपूर : एअर इंडिया हवाई प्रवाशांना नागपुरातून मुंंबई व दिल्लीसाठी १६ आॅक्टोबरला अतिरिक्त विमानसेवा देणार आहे. कंपनीचे विमान मिहानमधील एअर इंडियाच्या एमआरओमध्ये दुरुस्ती व देखभालीसाठी आल्यानंतर परतीच्या प्रवासात प्रवाशांना विशेष विमानसेवा देण्यात येते. त्याअंतर्गत हे उड्डाण राहणार आहे. एअर इंडियाचे एआय-१४७० हे विमान १६ आॅक्टोबरला दुपारी ४.३० वाजता नागपुरातून उड्डाण भरून मुंबईला ६ वाजता पोहोचणार आहे. तसेच हेच विमान मुंबईहून सायंकाळी ७.१५ वाजता उड्डाण भरून दिल्लीला ९.२५ वाजता पोहोचेल. बी-७७७ या विमानाचे तिकीट ३८८९ रुपयांपासून आहे.