आधी सावरकरांची माफी मागा, मगच महाराष्ट्रात पाय ठेवा; बावनकुळे यांचा राहुल गांधींना इशारा

Nagpur News महाराष्ट्रात पाय ठेवण्यापूर्वी राहुल गांधी यांनी स्वातंत्र्यवीर सावरकर यांची माफी मागावी, असा इशारा भाजपाचे प्रदेशाध्यक्ष चंद्रशेखर बावनकुळे यांनी दिला.

नागपूर : महाराष्ट्रात पाय ठेवण्यापूर्वी राहुल गांधी यांनी स्वातंत्र्यवीर सावरकर यांची माफी मागावी, असा इशारा भाजपाचे प्रदेशाध्यक्ष चंद्रशेखर बावनकुळे यांनी दिला.

नागपूर येथे डॉ. बाबासाहेब आंबेडकर यांच्या जयंतीनिमित्त संविधान चौकातील पुतळ्याला अभिवादन केले. त्यानंतर पत्रकारांशी बोलताना बावनकुळे म्हणाले, राहुल गांधी यांनी स्वातंत्र्यवीर सावरकरांचा पाच वेळा अपमान केला. आताही त्यांची आडमुठी भूमिका कायम आहे. त्यांनी माफी मागितलेली नाही. त्यांनी सावरकरांविषयी बोलू नये. उद्धव ठाकरे यांना भेटण्यापूर्वी सावरकरांच्या सर्व वक्तव्याची माफी राहुल गांधी यांनी मागावी, असेही बावनकुळे यावेळी म्हणाले.