अपघातात दाेघांचा मृत्यू

लाेकमत न्यूज नेटवर्क

भिवापूर : भरधाव झायलाे कारने माेपेड दुचाकीला जाेरात धडक दिली. त्यात गंभीर जखमी झाल्याने माेपेडस्वार दाेन तरुणांचा घटनास्थळीच मृत्यू झाला. अपघाताची ही घटना भिवापूर महामार्गावरील गाेंडबाेरी फाटा परिसरात मंगळवारी (दि. १५) रात्रीच्या सुमारास घडली.

नानेश्वर गाेपाल शंभरकर (३८) व अभिलाष सीताराम माेरे (२५) दाेघेही रा. नवेगाव (देशमुख), अशी मृत तरुणांची नावे आहेत. मृत नानेश्वर व अभिलाष हे दाेघेही एमएच-४०/एव्ही-०३८२ क्रमांकाच्या माेपेड दुचाकीने भिवापूरवरून नवेगावला जात हाेते. दरम्यान, गाेंडबाेरी फाटा परिसरात विरुद्ध दिशेने येणाऱ्या एमएच-०४/जीडी-००४० क्रमांकाच्या भरधाव झायलाे कारने त्यांच्या माेपेडला जाेरदार धडक दिली. कारची धडक इतकी भीषण हाेती की, माेपेडला फरफटत नेत कार मार्गालगतच्या शेतात शिरली. त्यात माेपेडस्वार तरुण गंभीररीत्या जखमी झाले तर माेपेडचा अक्षरश: चुराडा झाला.

घटनेची माहिती मिळताच पाेलिसांनी घटनास्थळ गाठून जखमींना भिवापूर ग्रामीण रुग्णालयात दाखल केले. तेथे तपासणीअंती डाॅक्टरांनी दाेघांनाही मृत घाेषित केले. याप्रकरणी भिवापूर पाेलिसांनी आराेपी कारचालकाविरुद्ध भादंवि कलम २७९, ३०४,‌ अ, सहकलम १८४ माेटार वाहन कायद्यान्वये गुन्हा नोंदविला आहे. ठाणेदार महेश भोरटेकर यांच्या मार्गदर्शनात पुढील तपास सहायक पाेलीस निरीक्षक शरद भस्मे करीत आहेत.