माैदा : शेतातील माेसंबीचे झाड का ताेडले अशी विचारणा करताच एका शेतकऱ्याने दुसऱ्या शेतकऱ्यास मारहाण केली. ही घटना माैदा पाेलीस ठाण्याच्या हद्दीतील झरप (ता. कामठी) शिवारात शनिवारी (दि. २६) सायंकाळी ५ वाजताच्या सुमारास घडली.
पंकज देवीदास वंजारी (२८) असे जखमी तर कैलास किसन वंजारी असे आराेपी शेतकऱ्याचे नाव आहे. दाेघेही भूगाव, ता. कामठी येथील रहिवासी असून, त्यांची झरप शिवारात जवळजवळ शेती आहे. पंकजने कैलासला तु माझ्या शेतातील माेसंबीचे झाड का ताेडले, अशी विचारणा केली. त्यावर कैलासने पंकजला तुझे बैल माझ्या शेताच्या धुऱ्यावर का आले, अशी विचारणा केली. त्यावर चिडलेल्या कैलासने काेयत्याने पंकजला मारहाण केली व जीवे मारण्याची धमकी दिली. त्यात पंकज जखमी झाला. त्याच्यावर माैदा येथील शासकीय रुग्णालयात उपचार करण्यात आले. याप्रकरणी माैदा पाेलिसांनी भादंवि ३२४, ५०४, ५०६ अन्वये गुन्हा नाेंदविला असून, या घटनेचा तपास पाेलीस हवालदार जंगवाड करीत आहेत.