शहरं
Join us  
Trending Stories
1
मविआचा सुपडा साफ, महायुतीनं सत्ता राखली; नवीन सरकारचा शपथविधी पुन्हा वानखेडेवर?
2
Maharashtra Vidhan Sabha Election 2024 Results Highlights: बहिणींची मोठी साथ, जरांगे फॅक्टर निष्प्रभ; महाविकास आघाडीची पूर्णपणे धूळधाण
3
औक्षण करताना उडाला आगीचा भडका; नवनिर्वाचित आमदार थोडक्यात बचावले
4
आजचे राशीभविष्य - २४ नोव्हेंबर २०२४, मान व प्रतिष्ठा वाढेल, नोकरीत बढतीही होऊ शकते
5
देवेंद्र फडणवीस यांच्याकडे पुन्हा मुख्यमंत्रिपद?; पंतप्रधान मोदी घेणार निर्णय
6
यशस्वी भव:! सिक्सर मारत तोऱ्यात ठोकली सेंच्युरी; जैस्वालची खास क्लबमध्ये एन्ट्री
7
शरद पवारांचा पश्चिम महाराष्ट्र गड अखेर ढासळला; महायुतीने जिंकल्या ५८ पैकी ४६ जागा
8
Maharashtra Vidhan Sabha Election 2024 Results Highlights: उत्तर महाराष्ट्रात ‘महायुती’ची मुसंडी, काँग्रेसचे पानिपत; उद्धवसेनेलाही साफ नाकारले
9
Maharashtra Assembly Election Result 2024: लोकमताचा ‘महा’कौल! कमळ फुलले, अन् धनुष्यबाण, घड्याळ खुलले; मुख्यमंत्री कोण?
10
सर्व पोल पंडितांचे अंदाज खोटे ठरले, महायुतीचा महाविजय; महाविकास आघाडी चारीमुंड्या चीत
11
कोमेजलेले कमळ फुलले! फडणवीसांचे मार्गदर्शन, बावनकुळेंची मेहनत, अन्‌ पक्षजनांनी केली कमाल
12
ठाणे एकनाथ शिंदेंचे, तर मुंबई भाजप आणि उद्धव ठाकरेंची; काँग्रेसची अवस्था बिकट
13
'माझे परममित्र देवेंद्रजी फडणवीस...', दणदणीत विजयानंतर PM मोदींनी केले अभिनंदन
14
मुस्लिमबहुल मतदारसंघात भाजपचा हिंदू शिलेदार विजयी; विरोधात 11 मुस्लिम उमेदवार...
15
Maharashtra Vidhan Sabha Election Result 2024 Live: आम्ही निर्णय घेण्याचे सर्वाधिकार शिंदेंना दिलेत: दीपक केसरकर यांची माहिती
16
काही लोकांनी दगाफटका करून अस्थिरता निर्माण केली, पण महाराष्ट्राने शिक्षा दिली; मोदींचा घणाघात
17
Maharashtra Assembly Vidhan Sabha Election 2024 Result Highlights: “जनतेचाही विश्वास बसलेला नाही, विधानसभा निकाल अविश्वसनीय, अनाकलनीय व अस्वीकार्ह”: काँग्रेस
18
ओवेसींच्या AIMIM ने महाराष्ट्रात खाते उघडले, 'हा' उमेदवार अवघ्या 75 मतांनी विजयी...
19
महायुतीच्या विजयाने बिहारच्या आगामी निवडणुकीची पायाभरणी केली- चिराग पासवान
20
Sharad Pawar: शरद पवारांच्या बालेकिल्ल्याला सुरुंग; पुणे जिल्ह्यात अवघ्या एका जागेवर तुतारी वाजली, दिग्गज पराभूत!

लाहोरी बारचा परवाना रद्द

By admin | Published: December 28, 2016 3:24 AM

गुन्हेगारांशी वाद घालत हाणामारी तसेच गोळीबार करणाऱ्या बार संचालकाने नियमभंग केल्याचा ठपका ठेवत

 नागपूर : गुन्हेगारांशी वाद घालत हाणामारी तसेच गोळीबार करणाऱ्या बार संचालकाने नियमभंग केल्याचा ठपका ठेवत जिल्हाधिकारी सचिन कुर्वे यांनी मंगळवारी धरमपेठेतील बहुचर्चित लाहोरी डिलक्स बार अ‍ॅन्ड रेस्टॉरंटचा परवाना रद्द केला. जिल्हाधिकाऱ्यांनी दोन दिवसात दोन बार मालकांना दणका दिल्याने शहरात मनमानीपद्धतीने बार-रेस्टॉरंट चालविणाऱ्या मद्यालयाच्या संचालकांमध्ये खळबळ निर्माण झाली आहे. जिल्हाधिकारी कुर्वे यांनी जारी केलेल्या आदेशानुसार, अनुज्ञप्तीधारकाने मुंबई विदेशी मद्य नियम १९५३ मधील नियम ४९ नुसार शासनाने प्रदान केलेली अनुज्ञप्ती स्वत: अथवा नोकरनामाधारकास व्यक्तीच्या वतीने योग्य पद्धतीने चालविणे आवश्यक आहे. गुन्हेगारी वृत्तीच्या व्यक्तीला बार चालविण्यास दिला जाऊ शकत नाही. मात्र, अनुज्ञप्ती(क्रमांक ४४)धारक समीर शर्मा हा बार आणि रेस्टॉरंट चालविताना मुंबई दारूबंदी कायदा १९५३ चे कलम ४९ चे उल्लंघन करीत असल्याचे निदर्शनास आले. तसा अहवालही पोलीस आणि अबकारी खात्याकडून मिळाला. एवढेच नव्हे तर तेथे १३ नोव्हेंबरच्या रात्री गुंडांच्या एका टोळक्यासोबत बारमधील कर्मचाऱ्यांचा जोरदार वाद झाला. त्यानंतर कुख्यात शेखू टोळीने तेथे येऊन धुडगूस घातला. वाहनांची तोडफोड केली. दगडफेक करून गोळीबार केला. बार संचालक समीर शर्मानेही गोळीबार केला. कुणालाही गोळी लागली नाही त्यामुळे जीवितहानी टळली. मात्र, गोळीबाराच्या घटनेने तेथे प्रचंड तणाव निर्माण झाला होता. याप्रकरणी दोन्हीकडून तक्रारी नोंदविण्यात आल्यामुळे सीताबर्डी पोलिसांनी कुख्यात शेखू, पप्पू डागोर तसेच त्याचे साथीदार आणि लाहोरीचा संचालक समीर शर्मा आणि त्याच्या साथीदारांविरुद्ध गुन्हा दाखल केला. काहींना अटकही केली. पोलिसांनी त्यांचा चौकशी अहवालात परवानाधारकाने गंभीर नियमभंग केल्याचा निष्कर्ष नोंदवला. लाहोरीच्या आत-बाहेर नेहमीच हाणामारीच्या घटना घडतात. अनेकदा तेथे तोडफोडही झाली आहे, असेही पोलिसांच्या अहवालात नमूद आहे. त्यावरून लाहोरी डिलक्स बारची अनुज्ञप्ती रद्द करण्यात येत असल्याचे जिल्हाधिकारी कुर्वे यांनी आज जारी केलेल्या आदेशातून स्पष्ट केले आहे.(प्रतिनिधी) अनेक ठिकाणी हप्ताखोरी शासनाने बार आणि रेस्टॉरंटच्या संचालकांना वेळ ठरवून दिली आहे. मात्र, शहरातील अनेक पोलीस ठाण्याच्या हद्दीतील बार संचालक अटी-शर्तींचे उल्लंघन करून पहाटेपर्यंत बार चालवितात. पोलिसांच्या हप्ताखोरी वृत्तीमुळेच हे होते. दरम्यान, सोमवारी जिल्हाधिकाऱ्यांनी क्लाऊड सेव्हन बार अ‍ॅन्ड रेस्टॉरंटचा परवाना रद्द केला तर, त्याच्या २४ तासानंतर जिल्हाधिकारी कुर्वे यांनी लाहोरीला दणका दिला. त्यामुळे पहाटेपर्यंत सेवा देणाऱ्या बार संचालकांमध्ये खळबळ निर्माण झाली आहे.