नागपुरात विद्यार्थिनीवर छेडखानीतून खुनीहल्ला

विद्यार्थिनीची छेडखानी करून तिच्यावर खुनीहल्ला करण्यात आला. ही घटना इमामवाडा पोलीस ठाणे हद्दीत मंगळवारी घडली. पोलिसांनी आरोपी दीपक विमल अग्रवाल (१९) रा. एमआयजी कॉलनी याला अटक केली आहे.

ठळक मुद्देइमामवाडा पोलीस ठाणे हद्दीतील घटना

लोकमत न्यूज नेटवर्कनागपूर : विद्यार्थिनीची छेडखानी करून तिच्यावर खुनीहल्ला करण्यात आला. ही घटना इमामवाडा पोलीस ठाणे हद्दीत मंगळवारी घडली. पोलिसांनी आरोपी दीपक विमल अग्रवाल (१९) रा. एमआयजी कॉलनी याला अटक केली आहे.दीपक हा महाविद्यालयीन विद्यार्थी आहे. तो रामबाग एमआयजी कॉलनीत राहतो. अनेक दिवसांपासून तो पीडित मुलीचा पाठलाग करीत होता. त्याच्या व्यवहाराने विद्यार्थिनी त्रस्त होती. जुनी ओळख असल्याने ती दीपकच्या व्यवहाराकडे दुर्लक्ष करीत होती. विद्यार्थिनीच्या तक्रारीवरून मंगळवारी सायंकाळी दीपक तिला आपल्या घरी घेऊन गेला. तिथे त्याने तिच्याशी वाद घातला. तिला लाथाबुक्क्यांनी मारहाण केली. शिवीगाळ करीत चाकूने हल्ला केला. या हल्ल्यात दीपकही जखमी झाला. अचानक घडलेल्या या घटनेने सर्वांनाच धक्का बसला. कुटुंबीयांनीही मध्यस्थी करीत विद्यार्थिनीला मेडिकलमध्ये दाखल केले. मेडिकलमधून इमामवाडा पोलिसांना माहिती मिळाली. पोलिसांनी गुन्हा दाखल केला आहे.