बुटीबाेरी : घरात बॅगमध्ये ठेवलेले राेख ५० हजार रुपये घेऊन पाेबारा करणाऱ्या नाेकरास पाेलिसांनी ताब्यात घेत अटक केली. ही घटना बुटीबाेरी पाेलीस ठाण्यांतर्गतच्या रुईखैरी येथे ६ डिसेंबरला घडली.
सुनील बापूराव केळकर (४५, रा. हिंगणघाट, जि. वर्धा असे अटक करण्यात आलेल्या नाेकराचे नाव आहे. शेखर सुखदेव माेहिते (२०, रा. वाॅर्ड क्र. २, रुईखैरी) यांनी फर्निचर विक्रीचे ५० हजार रुपये राेख घरी बॅगमध्ये ठेवले हाेते. दरम्यान त्यांच्याकडे काम करणाऱ्या नाेकराने घरातील बॅगेची चैन उघडून राेख रक्कम चाेरून नेली. ही बाब लक्षात येताच माेहिते यांनी पाेलिसात तक्रार नाेंदविली. याप्रकरणी बुटीबाेरी पाेलिसांनी भादंवि कलम ३८१ अन्वये गुन्हा नाेंदविला असून, नाेकरास अटक केली आहे. गुन्ह्याचा पुढील तपास पाेलीस उपनिरीक्षक माेरखेडे करीत आहेत.