उमरेड (नागपूर) : लग्नाचे आमिष दाखवित बळजबरीने दुचाकीवर बसवून हेवती शिवारातील पाटबंधारे विभागाच्या पडक्या झोपडीत नेत आराेपीने अल्पवयीन मुलीवर लैंगिक अत्याचार केला. ही घटना उमरेड पाेलीस ठाण्यांतर्गत मंगळवारी (दि. १) रात्रीच्या सुमारास घडली. याप्रकरणी उमरेड पाेलिसांनी दाेन आराेपींविरुद्ध पाेक्साे अन्वये गुन्हा दाखल करून आराेपींना अटक केली आहे.
मोहन मोरेश्वर मांढरे (वय ३२) व पंकज अशोक उके (३५, दाेघेही रा. ठाणा) अशी अटकेतील आराेपींची नावे आहेत. पीडित १६ वर्षीय मुलगी काही दिवसांपूर्वी माेबाईलच्या माध्यमातून मुख्य आराेपी माेहन मांढरे याच्या संपर्कात आली हाेती. दाेघांच्याही आणाभाका सुरू झाल्या. सातत्याने मोबाईलवर संवाद सुरू होता. अशातच मंगळवारी (दि. १) आरोपीने पीडितेला भेटण्याकरिता बोलावले. फिरायला जाऊ, दोघेही लग्न करू, अशी बतावणी आराेपीने तिला केली. मात्र, मुलीने त्याकडे दुर्लक्ष केले.
अशातच रात्री ८ वाजताच्या सुमारास पीडितेच्या घराजवळील रस्त्यावरून तिला बळजबरीने दुचाकी वाहनावर बसवून नेले. यावेळी दुसरा आरोपी पंकज उके हासुद्धा सहभागी होता. त्यानंतर आरोपीने हेवती शिवारातील पाटबंधारे विभागाच्या पडक्या झोपडीत नेऊन तिच्यावर जबरदस्तीने शारीरिक संबंध प्रस्थापित केले. याप्रकरणी उमरेड पाेलिसांनी आराेपींविरुद्ध भादंवि कलम ३६३, ३६६, ३७६, ३४, पोस्को अन्वये गुन्हा दाखल करून आराेपींना अटक केली. दरम्यान, पाेलिसांनी दोन्ही आरोपींना उमरेड न्यायालयात हजर केले. न्यायालयाने आरोपींना तीन दिवसांची पोलीस कोठडी सुनावली आहे.
मकरधोकडा मार्गावर पकडले
आरोपीने लैंगिक अत्याचार केल्यानंतर पीडितेला दुचाकीने मकरधोकडा मार्गाने नेले. दुसरीकडे आप्तस्वकीय आणि गावकरी मुलीचा शोध घेत होते. अशातच मकरधोकडा शिवारात दुचाकीवर तिघेही आढळून आले. गावकऱ्यांनी पोलिसांना सूचना दिली. लागलीच पाेलिसांनी दोन्ही आरोपींना ताब्यात घेत अटक केली.