टाकळघाट : बीअर बारसमाेर उभी ठेवलेली माेटरसायकल चाेरट्याने चाेरून नेली. त्या माेटरसायकलची किंमत २५ हजार रुपये आहे. ही घटना एमआयडीसी बुटीबाेरी पाेलीस ठाण्याच्या हद्दीतील टेंभरी येथे घडली.
मनाेज शालिकराम आत्राम (३५, रा. बल्लारशाह, जिल्हा चंद्रपूर) हा टाकळघाट (ता. हिंगणा) येथे किरायाने राहताे. ताे त्याचे सासरे गिरीधर सूर्यभान वैद्य यांची एमएच-४९/एवाय-८४७६ क्रमांकाची माेटरसायकल वापरताे. त्याने ती माेटरसायकल टेंभरी येथील बीअर बारसमाेर उभी ठेवली आणि आत गेला. दरम्यान, कुणाचेही लक्ष नसताना चाेरट्याने ती माेटरसायकल चाेरून नेली. परिसरात शाेध घेऊन ती कुठेही आढळून न आल्याने मनाेजने पाेलिसात तक्रार दाखल केली. याप्रकरणी एमआयडीसी बुटीबाेरी पाेलिसांनी अज्ञात आराेपीविरुद्ध भादंवि ३७९ अन्वये गुन्हा दाखल केला असून, तपास सहायक फाैजदार अशाेक तलमले करीत आहेत.