उमरीत शिवसेनेच्या

उमरी : शिवसेनेचे जिल्हाप्रमुख उमेश मुंडे यांच्या प्रमुख उपस्थितीत येथील छत्रपती शिवाजी महाराज चौकात नवमतदार नोंदणी, शिवसैनिक सभासद नोंदणी व नवीन शाखांची स्थापना करण्यात आली. उमरी शहरांतर्गत व वार्डनिहाय तीन नवीन शिवसेनेच्या शाखांची स्थापना करण्यात आली.यात पहाड गल्ली, हनुमान गल्ली व रापतवार नगर अशा तीन वार्डामध्ये नवीन शाखा तयार करण्यात आल्या. जिल्हाप्रमुख उमेश मुंडे कार्यक्रमाच्या अध्यक्षस्थानी होते तर तालुकाप्रमुख सुभाष पेरेवार , शहर प्रमुख महेश पडोळे, हनुमान गल्ली शाखा प्रमुख गोपाळ लोध, उपप्रमुख राजींदरसिंघ खिच्ची, रापतवार नगर शाखा प्रमुख राम ठाकूर, उपप्रमुख रमेश कूट्टेवाड , पहाड गल्ली शाखाप्रमुख सचिन मंत्रीवाड, उपप्रमुख लक्ष्मण अहिरे तसेच धानोरा शाखा प्रमुख ज्ञानेश्वर मामडे, लक्ष्मण सामलवार, शंकर राचेवाड, संतोष गंगासागरे, साई खांडरे, संजय हंबर्डे आदींसह शिवसैनिक उपस्थित होते.