जि.प., पं.स.पोटनिवडणुकीसाठी प्रचाराला सुरुवात

निवडणूक होणारच ही बाब स्पष्ट झाल्याने उमेदवारांनी प्रचाराला सुरुवात केली आहे. नंदुरबार तालुक्यातील कोपर्ली, रनाळे, कोळदे, शनिमांडळ व खोंडामळी या गटांमध्ये निवडणूक रंगणार आहे. तर शहादा तालुक्यात लोणखेडा, म्हसावद, पाडळदा या गटांमध्ये देखील लढती रंगणार आहेत. या सर्व ठिकाणी प्रमुख राजकीय पक्षांनी आपले उमेदवार निश्चित केले असून त्यांना उमेदवारी देखील दिलेली आहे. त्यामुळे अशा उमेदवारांनी प्रचाराला सुरुवात केली आहे. ठिकठिकाणी मतदारांच्या भेटी घेणे, कॉर्नर सभा घेणे यांना प्राधान्य दिले जात आहे. सद्या गणेशोत्सव असल्याने उमेदवार ठिकठिकाणी बाप्पांच्या आरतीसाठी देखील उपस्थिती देत आहेत. त्यामुळे त्या माध्यमातून देखील प्रचार होत आहे. प्रमुख राजकीय पक्षांचे उमेदवार निश्चित असले तरी काही डमी उमेदवार आणि इतर हौसी उमेदवारांच्या माघारीकडे देखील लक्ष लागून आहे. त्यानुसार त्या त्या गट व गणात उमेदवार संख्या कमी, जास्त होऊ शकणार आहे. त्यामुळे माघारीकडे देखील अनेकांचे लक्ष लागून राहणार आहे.