उसनवारीच्या वादातून जबरी चोरी

लोकमत न्यूज नेटवर्कनंदुरबार : उसनवार दिलेल्या पैशाच्या वादातून एकास चौघांनी बेदम मारहाण करत त्याच्याकडील मोबाईल व रोख रक्कम हिसकावून नेली़ ही घटना शनिवारी रात्री 10 वाजेच्या सुमारास घडली़ संदीप सुरेश धनगर रा़ गोकुळधाम पार्क, शहादा याने राजकुमार आगळे याच्या आईकडून सात हजार रुपये उसनवार घेतले होत़े त्याच्या वसुलीसाठी आगळे याने संदीप याच्याकडे तगादा लावला होता़ दरम्यान शनिवारी संदीप व त्याचा मित्र लोणखेडा बायपासवरील एका हॉटेलमध्ये जेवणासाठी गेला होता़ याठिकाणी राजकुमार हाही आला़ यावेळी राजकुमार याच्यासह त्याचा मित्र लल्ला शर्मा, आकाशा वाडिले व आणखी एक अनोळखी अशा चौघांनी संदीप यास मोटारसायकलवर बसवून नवीन बसस्थानकात नेऊन हाताबुक्की आणि काठीने बेदम मारहाण करत त्याच्याजवळ असलेला साडेसहा हजार रुपये किमतीचा मोबाईल आणि दोन हजार रुपये रोख  अशी रक्कम हिसकावून नेली़ यात संदीप यासह डोके आणि पाठीवर गंभीर दुखापत झाल्याने तो जखमी झाला होता उपचार पूर्ण झाल्यानंतर रविवारी दुपारी याप्रकरणी संदीप धनगर याने शहादा पोलीस ठाण्यात दिलेल्या फिर्यादीवरुन राजकुमार आगळे, लल्ला शर्मा, आकाश वाडिले व आणखी एक अशा चौघा संशयितांविरोधात गुन्हा दाखल करण्यात आला आह़े तपास पोलीस उपनिरीक्षक कचरे करत आहेत़