नंदुरबारात हिना गावीत २३ हजार मतांनी आघाडीवर

नंदुरबार: नंदुरबार लोकसभा निवडणुकीत भाजप उमेदवार डॉ़ हिना गावीत यांनी चांगलीच मुसंडी मारली आहे़ त्या तब्बल २३ हजार १७८ मतांनी मतांनी आघाडीवर असल्याची माहिती आहे़ अ‍ॅड़ के़सी़ पाडवी यांना २ लाख १२ हजार २२९ तर डॉ़ हिना गावीत यांना २ लाख ३५ हजार ४०७ इतकी मत पडलेली आहेत़ एकूण २७ फेऱ्या होणार आहेत़ दरम्यान, सकाळी ८ वाजेपासून सुरुवातीला टपाली मतदान प्रक्रियेला सुरुवात करण्यात आली होती़ नंदुरबार येथील खोडाई माता रस्त्यावरील वाहतूक इतरत्र वळविण्यात आली होती़ मतदान केंद्रावर कडेकोट बंदोबस्त ठेवण्यात आलेला आहे़